Sujata Awachat

28-10-2024

Diwali Holidays 2024: दिवाळीत विद्यार्थ्यांची मजा! नोव्हेंबरमध्ये 'इतके' दिवस शाळांना असणार सुट्ट्या ?

Diwali Holidays 2024: दिवाळीचा सण सुरू झाला आहे, आणि याचा आनंद सर्वत्र पसरला आहे. दिवाळी हा भारतातील सर्वात मोठा आणि उत्सवमय सण आहे, जो भारतीय संस्कृतीतील एक अतिशय महत्त्वाचा भाग मानला जातो. याच काळात विद्यार्थ्यांना जास्त सुट्ट्या मिळतात, त्यामुळे त्यांच्यात विशेष उत्साह पाहायला मिळतो.

हे देखील वाचा: Majhi Ladki Bahin Yojana: लाडक्या बहिणींच्या खात्यात 'या' दिवशी जमा होणार 5500 रूपयांचा दिवाळी बोनस? जाणून घ्या संपूर्ण माहिती

देशभरातील वेगवेगळ्या राज्यांमध्ये दिवाळीला शाळा-कॉलेजसह ऑफिससुद्धा बंद असतात. उत्तर प्रदेश, बिहार, दिल्ली यांसारख्या राज्यांमध्ये दिवाळीसाठी 4-5 दिवसांची सुट्टी असते, तर काही राज्यांमध्ये केवळ एकच दिवस सुट्टी दिली जाते. मात्र, महाराष्ट्रातील विद्यार्थ्यांसाठी यावर्षीच्या दिवाळीत जास्त दिवसांची सुट्टी असल्याने त्यांना विशेष आनंद आहे.

महाराष्ट्रातील काही शाळांना दिवाळीनंतर 31 ऑक्टोबरपासून सुट्टीची सुरुवात होणार आहे. काही जण दिवाळीचा मुख्य सण 1 नोव्हेंबरला साजरा करतात, त्यामुळे महाराष्ट्रातील बहुतेक शाळांना 1 नोव्हेंबरपासून सुट्टी मिळेल. यावर्षी महाराष्ट्रातील शाळांना एकूण 14 दिवसांची मोठी सुट्टी मिळणार आहे. या काळात शिक्षकांना विधानसभा निवडणुका लक्षात घेऊन प्रशिक्षणाचे कार्य दिलेले आहे.

हे देखील वाचा: Kids Healthy Food: मुलांना कितीही खायला दिले तरी अंगाला लागत नाही? द्या मग हे ४ पदार्थ, मेंदू होईल शार्प आणि हाडे होतील मजबूत

सुट्टीनंतर महाराष्ट्रातील शाळा 12 नोव्हेंबरपासून सुरु होतील, तर काही प्राथमिक शाळा 16 नोव्हेंबरपर्यंत बंद राहतील. त्यामुळे यंदा विद्यार्थ्यांसाठी दिवाळी सणाचा आनंद मोठ्या प्रमाणात साजरा करण्यासाठी भरपूर वेळ मिळणार आहे.