Rushi Sahare

02-12-2023

Gadchiroli News - विद्यार्थी व प्रवास्यांसाठी सोयीस्कर बस सेवा सुरू करा... परिसरातील नागरिकांची व विद्यार्थ्यांची मागणी

ऋषी सहारे

My खबर 24

आरमोरी - तालुक्यातील पळसगाव-जोगिसाखरा परिसरातील विद्यार्थी तालुक्यातील शाळेत शिक्षण घेण्यासाठी व विविध कारणाने मुख्यालयाला जातात. सकाळी 6.45 जाणे व परत तालुक्यातून 11.00 वाजता येणे अशी फेरी,तसेच 10.00 वाजता जाणे व 5.00 वाजता परत येणे.
अश्या फेऱ्या सुरू होणे अती आवश्यक आहे. ही फेरी जोगिसाखरा - शंकरनगर - पाथरगोटा - पळसगाव - जोगिसाखरा - रामपूर(नदीधाट)अशी असावी.
कारण या परिसरात हिस्त्र श्वापदे , वाघ, हत्ती, रानडुकरे यांचा वावर अती असल्याने त्यापासून जीवित किवा वित्त हानी नेहमी होत असते. वारंवार अश्या घटना पासून बचाव होण्यासाठी ह्या परिसरात बस सेवा सुरू व्हावी अशी मागणी परिसरातील नागरिक, विद्यार्थी व त्यांच्या पालकांनी केली आहे यासंदर्भात लेखी निवेदन ही सादर करण्यात आले आहे. माज केंद्रप्रमुख शालिक् मेश्राम, समाजसेवक विनोद पागडे, प्रा. गोपाल दोनाडकर , सामाजिक कार्यकर्ते पुरशोत्तम मैद,देविदास दोनाडकर, अशोक लोखंडे इत्यादी मान्यवरांनी निवेदन दिले.
परिसरातील विद्यार्थी, पालक, जनता यांना सुखरूप प्रवास करता येईल व जीवित हानी ही होणार नाही , प्रवासाची सोय व्हावी अशी अपेक्षा ही व्यक्त केली आहे.