M S Official

17-10-2024

Gadchiroli News: थरारक घटना! चारित्र्यावर संशय घेत पत्नीची निर्घृण हत्या, मृतदेह विहिरीत दिले फेकून आणि..

Gadchiroli News: देसाईगंज तालुक्यातील कोरेगाव येथे 16 ऑक्टोबरला घडलेली ही भयंकर घटना गावकऱ्यांच्या मनावर गारठा आणणारी ठरली. चारित्र्याच्या संशयातून लोकेश बाळबुद्धे (32) यांनी आपल्या पत्नी स्नेहा (25) हिच्या डोक्यात खलबत्ता मारून तिचा निर्घृण खून केला. त्यानंतर मृतदेह खांद्यावर उचलून गावातील विहिरीत फेकून दिला. यानंतर, लोकेश थेट पोलीस ठाण्यात जाऊन आत्मसमर्पण केले.

गुणाजी बाळबुद्धे हे कोरगावचे रहिवासी शेतकरी आहेत. त्यांचा मुलगा लोकेश याने पत्नी स्नेहाच्या चारित्र्यावर संशय घेतला होता, ज्यामुळे दोघांमध्ये वारंवार वाद होत होते. या वादातुनच 16 ऑक्टोबरला सकाळी 11 वाजता स्नेहाची हत्या झाली.

हे देखील वाचा: Lek Ladki Yojana 2024: या योजने अंतर्गत सरकार मुलींना देणार 1 लाख 1 हजार रुपये, जाणून घ्या अर्ज प्रक्रिया

त्या दिवशी लोकेशची आई माहेरी गेली होती आणि वडील गुणाजी गावात सायकल दुरुस्तीसाठी गेले होते. घरी लोकेश आणि स्नेहा दोघेच होते, त्यांच्याबरोबर त्यांचा लहान मुलगा झोपला होता. या वादातून लोकेशने खलबत्त्याने स्नेहाच्या डोक्यावर प्रहार केला आणि ती जागीच मृत्युमुखी पडली.

स्नेहाचा मृतदेह लोकेशने खांद्यावर उचलून गावातील चौकाजवळच्या विहिरीत फेकून दिला. या घटनेने गावकऱ्यांच्या मनात भितीचे वातावरण निर्माण झाले. घरापासून विहिरीपर्यंत रक्ताचे थेंब पडलेले होते, जे घटनेच्या भयावहतेची साक्ष देत होते.

हे देखील वाचा: School Holidays 2024: विद्यार्थ्यांसाठी मोठी बातमी! ऑक्टोबर महिन्यात इतक्या दिवस शाळांना राहणार सुट्टी, जाणून घ्या माहिती

घटना घडल्यावर थोड्याच वेळात लोकेश देसाईगंज पोलीस ठाण्यात पोहोचला आणि आपण पत्नीचा खून केला असल्याचे पोलिसांना सांगितले. पोलिसांनी लगेचच त्याला ताब्यात घेतले. स्नेहाचा मृतदेह विहिरीतून बाहेर काढून उत्तरीय तपासणीसाठी ग्रामीण रुग्णालयात पाठवला.

या प्रकरणाचा पुढील तपास पोलीस निरीक्षक अजय जगताप यांच्या मार्गदर्शनाखाली उपनिरीक्षक कोमल माने करत आहेत.

अशाच माहिती जनून घेण्यासाठी आमच्या WhatsApp ग्रुप ला जॉइन करा, ग्रुप जॉइन करण्यासाठी खालील WhatsApp बटन ला क्लिक करा.