Dipak Indurkar

16-11-2024

Pushpa 2 Movie: OMG! आजपर्यंत जे कुणी नाही केलं ते पुष्पा करणार, Pushpa 2 मुवीची सर्वात मोठी अपडेट

Pushpa 2 Movie: दाक्षिणात्य सुपरस्टार अल्लू अर्जुन आणि प्रसिद्ध अभिनेत्री रश्मिका मंदाना यांच्या बहुप्रतिक्षित Pushpa 2 चित्रपटाचा ट्रेलर 17 नोव्हेंबर रोजी पटण्यातील गांधी मैदानावर लॉन्च होणार आहे. हा इव्हेंट भव्य स्वरूपात साजरा करण्यासाठी जोरदार तयारी सुरू आहे. कार्यक्रम संध्याकाळी 5 वाजता सुरू होईल आणि ट्रेलर 6:03 वाजता प्रदर्शित केला जाईल.

चित्रपटाचे कार्यकारी निर्माता बाबू शाही यांनी सांगितले की, "संपूर्ण देशभरात आजवर एखाद्या चित्रपटाचा ट्रेलर इतक्या मोठ्या प्रमाणात लॉन्च झालेला नाही." बिहारमध्ये पहिल्यांदाच असा भव्य इव्हेंट आयोजित केला जात आहे, जो संपूर्णपणे फ्री असेल.

हे देखील वाचा: Toughest Job in the World: करोडों रूपये पगार, ना बॉस, ना कामाचा ताण, तरीही कुणी करत नाही ही नोकरी, जाणून घ्या कारण

जर तुम्हाला या इव्हेंटमध्ये सहभागी व्हायचं असेल किंवा अल्लू अर्जुन व रश्मिका मंदाना यांना प्रत्यक्ष पाहायचं असेल, तर तुम्हाला कोणतीही फी द्यावी लागणार नाही. गांधी मैदानाच्या गेट नंबर 10 जवळ 'बॉक्स ऑफिस' नावाचा काऊंटर उभारण्यात आला आहे, जिथे फ्री पासेस उपलब्ध आहेत. गांधी मैदानात गेट नंबर 10 मधून प्रवेश दिला जाणार आहे, जो संध्याकाळी 5:00 ते 5:30 दरम्यान सुरू होईल. कार्यक्रम रात्री 9 वाजेपर्यंत चालणार आहे.

2021 मध्ये 'पुष्पा: द राइज' या चित्रपटाने हिंदी भाषिक राज्यांमध्ये जबरदस्त यश मिळवलं होतं. बिहार आणि उत्तर प्रदेशासारख्या भागांत चित्रपटाने प्रेक्षकांची मनं जिंकली होती. Pushpa 2 बद्दल प्रेक्षकांमध्ये मोठा उत्साह आहे. ट्रेलर लॉन्चसाठी हिंदी भाषिक पटण्याची निवड ही या लोकप्रियतेचा दाखला आहे.