Maharashtra Vidhan Sabha Election 2024: मतदान कार्ड नसेल तरीही या 12 पुराव्याने करता येणार मतदान, जाणून घ्या माहिती 

Maharashtra Vidhan Sabha Election 2024: विधानसभा निवडणुकीची रणधुमाळी सध्या सुरू आहे, आणि महाराष्ट्रातील नागरिक 20 नोव्हेंबर 2024 रोजी मतदानासाठी रांगेत उभे राहतील. या वेळी राज्यातील विधानसभा निवडणुकीत मतदान एका टप्प्यात होणार आहे. मतदान प्रक्रियेत सहभागी होण्यासाठी मतदारांनी मतदार ओळखपत्र (Voter ID) सादर करणे आवश्यक असते, परंतु केंद्रीय निवडणूक आयोगाने स्पष्ट केले आहे की मतदार ओळखपत्रासोबत इतर 12 प्रकारच्या ओळखपत्रांचा वापर सुद्धा मतदानासाठी वैध असेल.

हे देखील वाचा: Eknath Shinde News: लाडक्या बहि‍णींना महिन्याला 2100, वीज बिलात 30 टक्के सूट, पासून तर शेतकऱ्यांना 15 हजार रुपयांपर्यंत; मुख्यमंत्री एकनाथ शिंदेनी केल्या या 10 मोठ्या घोषणा

निवडणूक आयोगाने यापूर्वी सूचित केले होते की, मतदार ओळखपत्र नसेल तरी या 12 प्रकारांच्या ओळखपत्रांमुळे तुमचं मतदान योग्य प्रकारे होऊ शकते. या ओळखपत्रांद्वारे मतदारांची ओळख पटवून मतदान केंद्रावर प्रवेश मिळवू शकतो.

हे आहेत 12 प्रकारचे ओळखपत्र 

मतदान प्रक्रिया पार पडण्यासाठी मतदारांच्या ओळखीचे सत्यापन आवश्यक आहे. छायाचित्रासह मतदार ओळखपत्र नसेल तर देखील 12 प्रकारच्या इतर ओळखपत्रांपैकी कोणताही एक पुरावा मतदानासाठी वापरता येईल. मुख्य निवडणूक अधिकारी कार्यालयाने ही माहिती जाहीर केली आहे. याचा अर्थ, जर तुमच्याकडे मतदार ओळखपत्र नसेल तर तुम्ही खालील 12 ओळखपत्रांचा वापर करून मतदान करू शकता:

हे देखील वाचा: Ration Card ekyc: मोठी बातमी: 1 नोव्हेंबरपासून या नागरिकांचे रेशन होणार बंद? जाणून घ्या कारण

1. आधार कार्ड
2. मनरेगा अंतर्गत रोजगार ओळखपत्र
3. बँक किंवा टपाल विभागाद्वारे छायाचित्रासह वितरित पासबुक
4. कामगार मंत्रालयाद्वारे वितरित आरोग्य विमा स्मार्ट कार्ड
5. ड्रायव्हिंग लायसन्स (वाहन चालक परवाना)
6. पॅन कार्ड
7. राष्ट्रीय लोकसंख्या नोंदवहीतील स्मार्ट कार्ड
8. पासपोर्ट (पारपत्र)
9. निवृत्तीवेतनाचे दस्तऐवज
10. केंद्र किंवा राज्य शासनाच्या किंवा सार्वजनिक क्षेत्रातील कंपन्यांद्वारे कर्मचाऱ्यांना वितरित ओळखपत्र
11. संसद, विधानसभा किंवा विधानपरिषदेच्या सदस्यांना वितरित ओळखपत्र
12. दिव्यांग व्यक्तींना दिलेले विशेष ओळखपत्र (भारत सरकारचे सामाजिक न्याय व सशक्तिकरण मंत्रालय)

अनिवासी भारतीयांसाठी विशेष सूचना
अनिवासी भारतीय मतदारांनी मतदान करत असताना त्यांच्या ओळखीची पुष्टी करण्यासाठी मूळ पासपोर्ट सादर करणे आवश्यक असेल.

अशीच माहिती जनून घेण्यासाठी आमच्या WhatsApp ग्रुप ला जॉइन करा, ग्रुप जॉइन करण्यासाठी खालील WhatsApp बटन ला क्लिक करा.