F Eknath Shinde News: लाडक्या बहि‍णींना महिन्याला 2100, वीज बिलात 30 टक्के सूट, पासून तर शेतकऱ्यांना 15 हजार रुपयांपर्यंत; मुख्यमंत्री एकनाथ शिंदेनी केल्या या 10 मोठ्या घोषणा | My Khabar24

Dipak Indurkar

06-11-2024

Eknath Shinde News: लाडक्या बहि‍णींना महिन्याला 2100, वीज बिलात 30 टक्के सूट, पासून तर शेतकऱ्यांना 15 हजार रुपयांपर्यंत; मुख्यमंत्री एकनाथ शिंदेनी केल्या या 10 मोठ्या घोषणा

Eknath Shinde News: मुख्यमंत्री एकनाथ शिंदे यांनी कोल्हापूरमध्ये झालेल्या महायुतीच्या प्रचारसभेत 10 महत्त्वपूर्ण घोषणा केल्या, ज्यामुळे राज्यातील नागरिकांना दिलासा मिळणार आहे. त्यांनी या सभेला ऐतिहासिक म्हणत, 1995 साली बाळासाहेब ठाकरे यांनी इथूनच प्रचाराचा शुभारंभ केला आणि इतिहास घडवला, असे स्मरण केले. शिंदेंनी अंबाबाई देवीच्या आशीर्वादाची आठवण करत सांगितले की, “या वेळी 23 तारखेला विजयाचा गुलाल उधळायला इथेच येऊ.” तत्पूर्वी, त्यांनी महायुतीच्या वचननाम्यातील 10 महत्त्वाच्या घोषणा जाहीर केल्या आणि "आम्ही बोलतो ते करुन दाखवतो," असे आश्वासन दिले.

या 10 महत्त्वाच्या घोषणा पुढीलप्रमाणे आहेत:

लाडक्या बहिणींना दरमहा 2100 रुपये - लाडकी बहीण योजना अंतर्गत महिलांना दरमहा 2100 रुपये देण्याची घोषणा, ज्यामुळे महिलांना आर्थिक मदत मिळेल.
शेतकऱ्यांसाठी वार्षिक 15,000 रुपये मदत - शेतकरी सन्मान योजनेतून शेतकऱ्यांना वार्षिक 15,000 रुपये, तसेच MSP वर 20% अनुदान देण्याचे आश्वासन.
प्रत्येकास अन्न आणि निवारा - राज्यातील प्रत्येक गरजू नागरिकाला अन्न आणि निवारा देण्याचे वचन.
वृद्ध पेन्शनमध्ये वाढ - वृद्ध पेन्शनधारकांना दरमहा 2100 रुपये पेन्शन मिळणार.
जीवनावश्यक वस्तूंच्या किंमती स्थिर - राज्यात जीवनावश्यक वस्तूंच्या किंमती स्थिर ठेवण्याचे आश्वासन.
25 लाख रोजगार आणि विद्यार्थ्यांना 10,000 रुपये - 25 लाख रोजगार निर्मिती आणि 10 लाख विद्यार्थ्यांना दरमहा 10,000 रुपये विद्यावेतन देण्याची घोषणा.
ग्रामीण भागात रस्ते बांधणी - 45,000 गावांत पाणंद रस्ते बांधण्याचा निर्णय, ज्यामुळे ग्रामीण भागात विकासाची गती वाढेल.
अंगणवाडी सेविका आणि आशा कार्यकर्त्यांसाठी वेतन वाढ - अंगणवाडी आणि आशा सेविकांना दरमहा 15,000 रुपये वेतन आणि संरक्षण कवच देण्याचे आश्वासन.
वीज बिलात 30% सूट - वीज बिलात 30% कपात करून सौर आणि अक्षय ऊर्जेला प्रोत्साहन देण्याचे आश्वासन.
व्हिजन महाराष्ट्र@2029 - सरकार स्थापन झाल्यानंतर 100 दिवसांत ‘व्हिजन महाराष्ट्र@2029’ सादर करणार, ज्यामुळे राज्याच्या विकासाचा व्यापक आराखडा ठरवला जाईल.