Dipak Indurkar

08-11-2024

Married life: लग्न होऊन दीड वर्षे झाली तरी, नवऱ्याने रोमान्स केला नाही, पोलीस ठाण्यात पोहोचली बायको, आणि मग

Married life: उत्तर प्रदेशातील भदोही जिल्ह्यात एक विचित्र घटना घडली आहे. लग्नाला दीड वर्ष झाल्यानंतरही नवऱ्याने रोमँस न केल्याच्या कारणाने एका महिलेने थेट पोलीस ठाण्याचा मार्ग धरला आहे. वाराणसीच्या मिर्झामुराद पोलीस स्टेशन परिसरात राहणाऱ्या या महिलेचा विवाह 23 मे 2023 रोजी जगजीत पाल नावाच्या व्यक्तीशी झाला होता. नव्या आयुष्याची स्वप्नं घेऊन ती सासरी पोहोचली होती, मात्र चौथ्या दिवशीच ती आई-वडिलांच्या घरी परतली.

हे देखील वाचा: Crime News: धक्कादायक घटना! अंगणवाडी सेविकेवर अत्याचार करून भिंतीवर डोके आपटून निर्घृण खून; मृतदेह टाकला नदीपात्रात

सासरी पुन्हा परतल्यावरही तिचा नवरा तिला सतत दूर ठेवू लागला. यामागील कारण शोधत असताना तिला समजलं की, तिच्या नवऱ्याचे दुसऱ्या महिलेसोबत अवैध संबंध आहेत. यामुळे त्याने आपल्या पत्नीशी शारीरिक संबंध ठेवले नाहीत. नवऱ्याने रोमँसच केला नसल्याच्या आणि हुंड्यासाठी सासरच्यांकडून छळ केला जात असल्याच्या कारणाने महिलेने पोलिसात तक्रार केली आहे.

या महिलेनं सांगितलं की, सासरच्यांनी तिच्यावर वारंवार मानसिक आणि शारीरिक अत्याचार केला आहे. हुंड्यासाठी टोमणे मारणं, तिला मारहाण करणं, हे सगळं सहन करत ती पाच दिवसांनंतर पुन्हा सासरी परतली. मात्र, तिथं पुन्हा तिला छळ सहन करावा लागला, आणि तिचा नवरा तिच्यापासून दूर राहू लागला. 17 ऑगस्ट 2024 रोजी सासरच्यांनी तिला मारहाण केली, यानंतर तिने आपला भाऊ आणि आई-वडिलांना फोन करून घरी परतली.

महिलेच्या तक्रारीनुसार, तिच्या पतीसह सासरच्या सात जणांविरुद्ध मानसिक आणि शारीरिक अत्याचाराचा गुन्हा दाखल करण्यात आला आहे. या घटनेबद्दल एसपी मीनाक्षी कात्यायन यांनी सांगितलं की, महिलेच्या तक्रारीनुसार तिच्या पतीचे दुसऱ्या महिलेसोबत अनैतिक संबंध आहेत, ज्यामुळे त्याने कधीच तिच्याशी शारीरिक संबंध ठेवले नाहीत.