F हिंदू धर्माची महती सांगत मुरलीधर महाराजांनी साजरा केला प्रगट दिन | My Khabar24

Bahujnancha Buland Aawaj

09-08-2024

हिंदू धर्माची महती सांगत मुरलीधर महाराजांनी साजरा केला प्रगट दिन

हरणघाट (पारडी) पिठाचे मठाधिवती संत श्री मुरलीधर महाराज यांचा आज ९ ऑगस्ट रोजी प्रगट दिनाचे औचित्य साधून बांगलादेशात हिंदू समाजावर जे अन्याय अत्याचार चालू आहे,त्याविषयी दुःख व्यक्त करीत हिंदू धर्माची संपूर्ण महती बाबत ने आपल्या भाविक भक्तांसमोर व्यक्त केली.

धर्म कोणताही असो परंतु कोणत्याही धर्मावर अन्याय होऊ नये आणि आपण सर्व एकच आईचे लेकर आहोत,सर्वांनी गुण्यागोविंदाने एकमेकांत मिळून मिसळून वागावे हाच खरा मानवधर्म आहे,असेही मत बाबांनी व्यक्त केले.

संत मुरलीधर महाराज यांच्या प्रगट दिनाचे औचित्य साधून मोठ्या प्रमाणात हरणघाट पारडी मठात बाबांचे भाविक भक्त बाबाला आशीर्वाद देण्याकरिता एकत्र जमले होते.नागपंचमीचा सण असून सुद्धा बऱ्याच प्रमाणात महिला वर्ग देखील सामील झाला होता.

आपल्या घरी जन्मदिवस साजरा करताना मेणबत्तीचा वापर करून त्याला फुंकर मारून विंजविण्यापेक्षा,आपल्याच घरातील मातीच्या दिवलनीचा दिवा लावून प्रगट दिन साजरा करा आणि प्रत्येकाच्या वाढदिवसाला घरासमोर किंवा सार्वजनिक ठिकाणी एक झाड लावा जेणेकरून पर्यावरणाचा ऱ्हास होणार नाही आणि वातावरण देखील शुद्ध राहील,असा मोलाचा सल्ला संत मुरलीधर महाराज यांनी आपल्या प्रगट दिनाच्या दिवशी आपल्या भाविक भक्तांना दिला.भाविक भक्तांनी टाळ्यांच्या गजरात बाबांचा संदेश आत्मसात केला आणि सुग्रास भोजन करून भाविक भक्त बाबांनी दिलेला मोलाचा संदेश यांची शिधोरी बांधून आप आपल्या गावाकडे रवाना झाले.