F स्मार्ट प्रीपेड मीटर योजना म्हणजे सामान्य जनतेच्या खिशाला कात्री ! ती त्वरित बंद व्हायला पाहिजे | My Khabar24

Bahujnancha Buland Aawaj

14-06-2024

स्मार्ट प्रीपेड मीटर योजना म्हणजे सामान्य जनतेच्या खिशाला कात्री ! ती त्वरित बंद व्हायला पाहिजे

महाराष्ट्रात विजेचा प्रश्न गंभीर आहे.ग्रामीण भागात भारणीयमनाचा आधीच फटका बसतोय,वेळोवेळी लाईट ये जा करिता राहते अशा अनेक अडचणींना तोंड देता-देता नाकीनव येते आणि अशाही परिस्थितीत स्मार्ट प्रीपेड मीटर बसविण्याचे काम खाजगी कंपन्यांना दिले गेले आहे,म्हणजे एकावं ते नवलचं.

स्मार्ट प्रीपेड मीटर लावल्यामुळे त्याचा भार वीज ग्राहकांनाच सोसावा लागणार आहे.त्यामुळे स्मार्ट प्रीपेड मीटर (मोबाईल) रिचार्ज योजना त्वरित बंद व्हायला पाहिजे आणि जनतेने सुद्धा सरकारचे असे मनसुबे हाणून पाडायला पाहिजे.

महाराष्ट्र राज्य वीज वितरण कंपनीने संपूर्ण राज्यात ग्राहकाच्या वापरावर नियंत्रण ठेवण्यासाठी तसेच विज गळती रोखण्यासाठी राज्यभर वीज मीटर बसविण्याची तयारी सुरू केली आहे.केंद्र सरकारच्या ऊर्जा मंत्रालयाने नॅशनल स्मार्ट ग्रिड मिशन या योजने अंतर्गत संपूर्ण देशभर स्मार्ट मीटर बसविण्याचा कार्यक्रम 17 ऑगस्ट 2019 च्या अधिसूचनेनुसार जाहीर केला आहे.त्यामुळे ग्राहकाच्या खिशाला हमखास कात्री लागणार आहे,म्हणजे यामुळे ग्राहकांवर परिणाम होणार आहे.

स्मार्ट प्रीपेड मीटर योजनेमुळे ग्राहकांना पूर्वीसारखी वीज मिळणे कठीण आहे.असल्या प्रकारामुळे ग्राहकांची डोकेदुखी वाढणार आहे. वीज ग्राहकांना आतापर्यंत वीज मीटर प्रमाणे बिल भरावे लागत होते परंतु आता मोबाईल रिचार्ज प्रमाणे आगाऊ पैसे मोजावे लागतील. तेव्हा कुठं वीज वापरता येणार नाही.

खिशाला कात्री लागणाऱ्या योजना वेळीच बंद पडायला पाहिजे नाहीतर अशा योजनांमुळे सामान्य माणूस पूर्णपणे नागडा झाल्याशिवाय राहणार नाही.आधीच महागाईने जीवन जगणं कठीण होऊन गेलाय म्हणून वीज ग्राहकांना माझी कळकळीची विनंती आहे वेळेत सावध व्हा,सारा-सार विचार करा आणि सरकारचे असले मनसुबे हाणून पाडा नाहीतर ही सरकार नावाची जमात सामान्य माणसाला बोकळल्या शिवाय राहणार नाही,म्हणून आजच सावध व्हा.

||जागो ग्राहक जागो||