Avinash Kumare

09-11-2024

Chandrapur News: धक्कादायक घटना! चारित्र्याच्या संशयावरून पत्नीची निर्घुण हत्या

Chandrapur News: गोंडपिपरी तालुक्यातील पारगाव येथे एक खळबळजनक घटना घडली आहे. चारित्र्यावर संशय घेत पतीने आपल्या वृद्ध पत्नीची लाकडी दांड्याने मारहाण करून हत्या केली. गुरुवार, दिनांक 7 रोजी सायंकाळी 6 वाजताच्या सुमारास ही घटना घडली. मृतक महिलेचे नाव सुमित्रा नारायण आलाम (65) असे आहे. आरोपी पती नारायण आलाम याला पोलिसांनी अटक केली आहे.

हे देखील वाचा: Nagpur News: थरारक घटना! प्रेयसीची हत्या करत कपडे काढून मृतदेह जंगलात गाढले, आर्मी जवानाचे भयंकर कृत्य

नारायण आलाम याचा एक मुलगा, सून व दोन नातवांसह छोटा परिवार आहे. त्याचा एक मुलगा शिक्षणासाठी बाहेर असतो. नारायण याला दारूचे व्यसन असल्यामुळे, तो पत्नी सुमित्राच्या चारित्र्यावर संशय घेऊन वारंवार तिला मारहाण करायचा. गुरुवारी संध्याकाळी सुमित्रा भांडी घासत असताना, नारायणने तिच्यावर पाठीमागून लाकडी दांड्याने हल्ला केला, ज्यात तिचा जागीच मृत्यू झाला.

हे देखील वाचा: Chandrapur News: मूल शहरातील थरारक घटना! चंद्रपुरातील गुंडांना बोलावून भावाच्या मुलाची निर्दय हत्या

या घटनेनंतर मृतकाची सून अल्का आलाम हिने पोलिसांत तक्रार दाखल केली. गोंडपिपरी पोलिसांनी भारतीय न्याय संहिता 103 (1) बीएनएस अंतर्गत गुन्हा नोंदवून आरोपीला अटक केली असून, पुढील तपास ठाणेदार हत्तीगोटे यांच्या नेतृत्वाखाली सुरू आहे.