Avinash Kumare

15-10-2024

Chandrapur News: मूल शहरातील थरारक घटना! चंद्रपुरातील गुंडांना बोलावून भावाच्या मुलाची निर्दय हत्या

Chandrapur News: शहरातील शांततेला हादरा देणारी एक खळबळजनक घटना रविवारी रात्री पंचशील वार्ड क्र. 7 मध्ये घडली. एका क्षुल्लक वादातून एका महिलेने थेट चंद्रपूरहून गुंड बोलावून चुलत भावाच्या 16 वर्षीय अल्पवयीन मुलाची हत्या घडवून आणली. मृतकाचे नाव प्रेम चरण कामडे असून, या घटनेमुळे मूल शहर हादरले आहे. पोलिसांनी मुख्य सूत्रधार महिलेसह सात जणांना अटक केली आहे.

हे देखील वाचा: Ladki Bahin Yojana: मोठी बातमी! लाडक्या बहिणींना मिळणार FREE मोबाईल फोन? जाणून घ्या सविस्तर माहिती

मिळालेल्या माहितीनुसार, मनीषा कामडे (29) आणि तिचा पती नरेंद्र कामडे (42) यांचा बबन कामडे यांच्या सोबत रस्त्यावर दुचाकी बाजूला हटविण्यावरून वाद झाला. या साध्या कारणावरून वाद इतका विकोपाला गेला की, संतप्त मनीषाने चंद्रपूरमधील पठाणपुरा परिसरातील गुंडांना बोलावून घेतले. काही तासांतच राजेश बंडू खनके (26), सचिन बंडू खनके (27), वैभव राजेश महागावकर (23), कपील विजय गेडाम (23), आणि श्रीकांत नारायण खनके (28) हे पाच जण M. H. 24 ए. ए. 4424 क्रमांकाची कार घेऊन मूल येथे दाखल झाले.

हे देखील वाचा: Gujarat News Hindi: होटल में बॉयफ्रेंड के साथ सेक्स के दौरान एक लड़की की मौत, वजह जानकर उड़ जाएंगे होश

रात्री 10 वाजण्याच्या सुमारास हे गुंड बबन कामडे यांच्या घरी धडकले. पुन्हा वाद उफाळून आला, आणि बबन कामडे यांच्यावर हल्ला करण्याचा प्रयत्न झाला. मात्र, त्यावेळी त्यांचा अल्पवयीन मुलगा प्रेम कामडे आपल्या वडिलांना वाचविण्यासाठी पुढे आला. गुंडांनी प्रेमवरच चाकूने वार केले, ज्यामुळे त्याचा जागीच मृत्यू झाला.

या हल्ल्यात स्वप्निल सुभाष देशमुख आणि अविनाश चंद्रभान कामडे हे दोघेही जखमी झाले. बबन कामडे यांच्या कुटुंबाने पोलिस ठाण्यात तक्रार दाखल केल्यानंतर पोलिसांनी तातडीने कारवाई करून मनीषा कामडे, नरेंद्र कामडे आणि चंद्रपूरहून आलेल्या पाच गुंडांना अटक केली. गुन्ह्यात वापरलेली कारही जप्त करण्यात आली आहे.