बॉम्बे मोटर्स अँड कार सर्व्हिस सेंटर गडचिरोली
Your car is our responsibility
09-01-2024
Breking news चिमूर : दि. ९ जानेवारी आमदार कीर्तिकुमार भांगडीया यांनी चिमूर येथील जनसंपर्क कार्यालयात तालुक्यातील शेतकरी बांधवांच्या सर्व समस्या जाणून घेतल्या आणि संबंधित अधिकाऱ्यांना बोलावून नुकसान भरपाई व बोनस संदर्भातील समस्या तातडीने मार्गी लावण्यासाठी संबंधित प्रशासनाला सक्त सूचना दिल्या. राज्य सरकारने हिवाळी अधिवेशन काळात धान उत्पादक शेतकऱ्यांना हेक्टरी २०,०००/- (विस हजार रुपये) बोनस देण्याची घोषणा केली आणि त्यासंदर्भातील कार्यवाहीकरीता संबंधित प्रशासन संस्थेकडे नोंदणी केंद्रावर आवश्यक कागदपत्रांसह नोंदणी करण्याचे आवाहन धान उत्पादक शेतकरी बांधवांना केले.
चंद्रपूर जिल्हा कृषी औद्योगिक सहकारी संस्था मर्या. शाखा - चिमूर या नोंदणी केंद्रावर मागील एक आठवड्यापासून तालुक्यातील शेतकरी बांधव नोंदणी करण्यासाठी जात आहे, सदर संस्थेकडून बोनस संदर्भातील त्यांची कागदपत्रे व फॉर्म स्विकारण्यास वारंवार टाळाटाळ केली गेली. सदर शेतकऱ्यांना ऊद्या या, परवा या अशा बतावण्या करून ताटकळत ठेवून नंतर परत जाण्यास सांगितले जाते. संस्थेच्या नोंदणी केंद्रावर फक्त एक कर्मचारी त्याच्या खाजगी मोबाईल द्वारे रजिस्ट्रेशन करीत असून, अधिकच मनुष्यबळ कर्मचारी संस्थेत उपलब्ध नाही. त्यामुळे राज्य सरकारने १५ जानेवारी ही अंतिम तारीख वाढवून दिली असली तरी केंद्रावर नोंदणी करण्यासाठी दररोज जात असलेल्या शेतकऱ्यांची नोंदणी होणार नसल्याचे जवळपास निश्चितच झाले होते. हा सर्व प्रकार बघता बोनसचा लाभ घेण्यासाठी शासनाने दिलेल्या मुदतीच्या आत नोंदणी आता कशी करता येईल ? असा गंभीर प्रश्न लाभार्थी शेतकरी वर्गात निर्माण झाला.
सदर सर्व लाभार्थी शेतकरी बांधवांनी त्यांच्या समस्या मांडण्यासाठी आमदार कीर्तिकुमार भांगडीया यांची चिमूर येथील जनसंपर्क कार्यालयात भेट घेतली. दरम्यान, आमदार बंटीभाऊंनी त्यांच्या सर्व समस्यांची तात्काळ दखल घेऊन संबंधित प्रशासनाशी संपर्क साधला आणि अधिकाऱ्यांना बोलावून घेतले, शेतकऱ्यांच्या नुकसान भरपाई व बोनस संदर्भातील कार्यवाहीसाठी होणारी टाळाटाळ, हयगय अजिबात खपवून घेतली जाणार नाही असे खडे बोल त्यांना सुनावले. तसेच, शेतकरी बांधवांच्या सर्व समस्या तातडीने मार्गी लावण्यासाठी संबंधित प्रशासनाला सक्त सूचना दिल्या. यापुढे आपल्याला कोणतीही अडचण आल्यास माझ्याशी किंवा जनसंपर्क कार्यालयाशी तात्काळ संपर्क करण्यास सांगितले. उपस्थित शेतकरी बांधवांनी आमदाराचे आभार मानले व समाधान व्यक्त केले. यावेळी भाजपा पदाधिकारी तथा कार्यकर्ते आणि तालुक्यातील शेतकरी बांधव उपस्थित होते.
Your car is our responsibility
सुपर फास्ट बातमी
National
सुपर फास्ट बातमी
Local News
Vaingangavarta19
Local News
Vaingangavarta19
Crime
सुपर फास्ट बातमी
Local News
सुपर फास्ट बातमी
Local News
Vaingangavarta19
Crime
Vaingangavarta19
Crime
Vaingangavarta19
Crime
Vaingangavarta19
Crime
No Comments