युवाक्रांती समाचार

29-01-2024

खोब्रागडे कनिष्ठ महाविद्यालयात वार्षिक स्नेहसंमेलनाला उस्फूर्त प्रतिसाद

रुमदेव सहारे सहसंपादक

वैरागड - दि. 25 जानेवारी 2024 रोज गुरुवारला श्री किसनराव खोब्रागडे कनिष्ठ महाविद्यालय वैरागड येथे " राष्ट्रीय मतदान दिन व गणराज्य दिनाच्या पूर्वसंधेचे औचित्य साधून " वार्षिक स्नेहसम्मेलन कार्यक्रम " घेण्यात आले.

या कार्यक्रमाचे अध्यक्ष वरिष्ठ महाविद्यालयाचे उपप्राचार्य धर्मेंद्र जनबंधू सर, तर प्रमुख अतिथी म्हणून प्रा. डाँ. विलास मेश्राम, प्रा. धारगावे सर, प्राचार्य विवेक हलमारे, प्रा. एस. पी. बन्सोड, प्रा. प्रकाश म्हशाखेत्री, प्रा. महेश बोदेले, प्रा. बर्वे, आदि मान्यवर उपस्थित होते. कार्यक्रमाची सुरुवात माता सरस्वतीचे पूजन व दीप प्रज्ज्वलन करून करण्यात आले तसेच स्वागत गीताने पाहुण्याचे स्वागत करण्यात आले. " राष्ट्रीय मतदान दिन " निमित्त विध्यार्थ्याकडून शपथ घेण्यात आली. वार्षिक स्नेह संमेलन हे विध्यार्थ्यांचे सुप्त कलागुणांनातील एक आदर्श व्यासपीठ होय असे उप प्राचार्य धर्मेंद्र जनबंधू यांनी अध्यक्ष स्थानावरून बोलतांना सांगितले. कार्यक्रमाचे संचालन प्रा. मनिष राऊत, तर प्रास्ताविक प्रा. अमोल नैताम तर प्रा. नरेश लाडे यांनी उपस्थितांचे आभार मानले.तसेच विध्यार्थी व शिक्षकेत्तर कर्मचारी दयानंद कुमरे, व शिवशंकर पाटील यांनी सहकार्य केले.