तळोधी (बा.) येथे संत श्री नगाजी महाराज जयंती महोत्सव

रुमदेव सहारे सहसंपादक सावरगाव :-

          नागभीड तालुक्यातील तळोधी (बा.)येथील तळोधी युवा नाभिक बहुउद्देशीय संस्था, नाभिक युवा आघाडी,नाभिक महिला आघाडी,यांच्या संयुक्त विद्यमाने वाढोणा बायपास रोड नामदेवराव गुरनुले ले - आउट तळोधी( बा.)येथे नाभिक समाजाचे आराध्य दैवत संत श्री नगाजी महाराज यांची 347 वी जयंती महोत्सव मोठया उत्साहात साजरा करण्यात आला.व श्री नगाजी महाराज सामाजिक सभागृहाचे भूमिपुजन रविवारी थाटात पार पडले.
      श्री नगाजी महाराजांच्या सामाजिक सभागृहाचे भूमिपूजन व कार्यक्रमाचे उदघाट्न चिमूर क्षेत्राचे आमदार कीर्तिकुमार उर्फ बंटी भांगडिया यांच्या शुभ हस्ते पार पडले.या कार्यक्रमाच्या अध्यक्षस्थानी ने.हि.महाविद्यालय ब्रम्हपुरीचे प्रा.लक्ष्मण मेश्राम होते. तर प्रमुख अतिथी म्हणून सरपंच राजेश घिये,भाजपा तालुकाध्यक्ष संतोष रडके,ग्रा.पं.सदस्य नरेंद्र खोब्रागडे,माजी भाजपा तालुकाध्यक्ष होमदेव मेश्राम,सोनू कटारे,महाराष्ट्र नाभिक महामंडळ गडचिरोलीचे जिल्हाध्यक्ष नामदेव शेंडे, नाभिक युवा आघाडी ब्रह्मपुरीचे अजय खडसिंगे, आरमोरीचे तालुकाध्यक्ष कालिदास लक्षणे,ब्रम्हपुरीचे सामाजिक कार्यकर्ते उदय पगाडे,एडवोकेट किशोर चोपकार,तळोधी पत्रकार संघांचे अध्यक्ष राजेश बारसागडे,प्रेमदास मेंढुळकर,भुपेश भाकरे,सतिश बारसागडे,दिलीप फुलबांधे,शंकर रक्तसिंगे,दिलीप बारसागडे,हभप धर्माजी बारसागडे महाराज,प्रीती बारसागडे आदींची उपस्थिती होती.कार्यक्रमाच्या सुरुवातीला संत श्री नगाजी महाराजांची घटस्थापणा व प्रतिमापूजन करण्यात आले. त्यानंतर महिलांचे हळदी -कुंकू व कीर्तनकार धर्माजी बारसागडे महाराजांचे कीर्तन पार पडले.त्यानंतर आमदार कीर्तीकुमार भांगडिया यांच्या हस्ते सामाजिक सभागृहाचे भूमिपूजन पार पडले.या कार्यक्रमाच्या औचित्याने नाभिक समाजातील सुप्रसिद्ध विनोदी नाट्य कलावंत मयूर चन्ने गेवर्धा व पाश्चर्य गायक व नाट्य कलावंत देवा शेंडे केशोरी यांचा शाल,श्रीफळ व पुष्पगुच्छ देऊन सत्कार करण्यात आला.यावेळी उद्घाटनपर भाषणात बोलताना आमदार भांगडिया यांनी नगाजी महाराजांच्या सभागृहास 15 लाख रुपयांची निधी मंजूर केली आहे. मात्र प्रत्यक्ष बांधकामाच्या वेळी निधीची कमतरता भासल्यास मी स्वतः देईन.अशी ग्वाही नाभिक समाज बांधवांना दिली.याप्रसंगी अध्यक्षीय भाषणात मेश्राम यांनी समाजाला न्याय,हक्क प्राप्त करण्याकरिता समाजाने एकत्रित येने गरजेचे असल्याचे मार्गदर्शन केले. याप्रसंगी इतर मान्यवरांची समयोचित भाषणे झालीत. प्रस्तावना व संचालन वैभव बारसागडे यांनी केले.