युवाक्रांती समाचार

09-01-2024

ब्रम्हपुरी येथे २७ जानेवारी रोजी अखिल कुणबी समाजाच्या वधू-वर परिचय मेळाव्याचे आयोजन

ब्रम्हपुरी:-

अखिल कुणबी समाज मंडळ ब्रम्हपुरीच्या वतीने कुणबी समाज मंडळ सभागृहाच्या प्रस्तावित जागेवर भव्य वधू-वर परिचय मेळाव्याचे आयोजन करण्यात आले असून या मेळाव्यात मोठ्या संख्येने उत्सुक अखिल कुणबी समाजाच्या वधू-वर व त्यांचे नातेवाईक यांनी सहभागी होण्याचे आव्हान आयोजक अखिल कुणबी समाज मंडळ ब्रम्हपुरीचे वतीने करण्यात आले आहे.
मुलं वयात आली आणि उद्योग व्यवसायात रमली की; पालकांचा शोध त्यांना जोडीदार शोधण्यासाठी सुरू होतो. पण हल्ली आपल्या उद्योग व्यवसाय नौकरीतील धकाधाकीच्या व धावपळीच्या जीवनात माणसाना वेळ ही अमूल्य गोष्ट झाली आहे. या सर्व अडचणी दूर करून समाज बांधवांनां एका व्यासपीठाखाली आणून त्यांचा जोडीदार शोधण्याचा मार्ग सोयीस्कर व्हावा व समाज एकत्रित यावा उदात्त हेतूने अखिल कुणबी समाज मंडळ ब्रम्हपुरीच्या पुढाकारातून या मागिल वर्षी पेक्षा मोठ्या स्वरूपात वडसा रोडवरील अखिल कुणबी समाज मंडळ सभागृहाच्या प्रस्तावित जागेवर रविवार दिनांक २७ जानेवारी रोजी भव्य अखिल कुणबी वधू वर परिचय मेळाव्याचे आयोजन केले आहे. सोबतच कुणबी समाजातील गुणवंत विद्यार्थ्यांचा सत्कार व समाजातील उल्लेखनीय कामगिरी करणाऱ्या मान्यवरांचा सत्कार सोहळा आयोजित करण्यात आला आहे.
याबाबत अखिल कुणबी समाज मंडळ ब्रम्हपुरीची नियोजन सभा मुरलीधर मंदिर टिळक नगर वडसा रोड ब्रम्हपुरी येथे आयोजित करण्यात आली होती. यावेळी अखिल कुणबी समाज मंडळाचे सदस्य मोठ्या संख्येने उपस्थित होते.
..........