युवाक्रांती समाचार

09-01-2024

चारचाकी वाहनाच्या धडकेत दुचाकीस्वार तरूणाचा मृत्यू.! चारचाकी वाहन चालक घटनास्थळावरुन पसार

चिमूर (नेरी):-

भरधाव येणाऱ्या चारचाकी वाहनाने दुचाकीला जब्बर धडक दिल्याने दुचाकीस्वार युवकाचा घटनास्थळीच मृत्यू झाला. नितीन मेश्राम (३२) रा. येनोली असे मृतक युवकाचे नाव आहे. ही घटना नवरगाव मार्गावर खुंटाळाजवळ ८ जानेवारी रोजी दुपारी ३ वाजताच्या सुमारास घडली.
मृतक नितीनच्या गावी मंडई असल्याने चिमूर तालुक्यातील मानेमोहाळी येथील पाहुणे त्याच्या घरी आले होते. त्या पाहुण्यांना सोडण्यासाठी म्हणून नितीन एमएच ३४/ एके ७६६२ या दुचाकीने गेला होता. पाहुण्यांना सोडून गावाकडे परत येत असताना खुंटाळाजवळ भरधाव येणाऱ्या चारचाकी वाहनाने दुचाकीस्वार नितीनला जब्बर धडक दिली. धडक इतकी भिषण होती की यामध्ये दुचाकीस्वार नितीन यांचा जागीच मृत्यू झाला. धडक देणारे पिकअप वाहन कापूस वाहून नेणारे असल्याचे बोलले जात आहे.अपघात एवढा भीषण होता की, त्याच्या दुचाकीचे पार्टस इतरत्र पसरलेले दिसत असून ४० फूटपर्यंत पसरले होते. घटनेनंतर वाहनचालक घटनास्थळावरून पळ काढला.
घटनेची माहिती चिमूर पोलिस विभागाला मिळताच चिमूर पोलीस स्टेशनचे सहायक पोलीस निरीक्षक जांभळे आणि त्यांचे सहकारी घटनास्थळी दाखल झाले. पंचनामा करून मृतदेह शवविच्छेदनासाठी चिमूर उपजिल्हा रुग्णालयात पाठविण्यात आला आहे.
अज्ञात चारचाकी पीकअप चालकावर भांदवि ३०४ अ, २९७, ४३७, १३४ अन्वये गुन्हा दाखल करण्यात आला आहे. पुढील तपास चिमूर पोलीस विभागाचे अधिकारी करीत आहेत.