युवाक्रांती समाचार

07-01-2024

गुटख्यापुडी दिला नाही म्हणून तरुणाने मित्रालाच भोसकलं.! कुठली घटना आहे वाचा सविस्तर वृत्तांत

जालन्यात हत्यांचं सत्र सुरुच असल्याने नागरिकांमध्ये आता दहशत निर्माण झाली आहे. गुटख्याच्या पुडीवरून झालेल्या बाचाबाचीत मित्रानेच मित्राचा चाकून भोसकून खून केला.

शहरापासून जवळच असलेल्या पीर पिंपळगाव शिवारात ही घटना घडली. दिलिप हरिभाऊ कोल्हे (वय 23 वर्ष) असं खून झालेल्या तरुणाचं नाव आहे. तर अरविंद लक्ष्मण शेळके असं आरोपीचं नाव आहे.

गुटख्याची पुडीवरुन खून
गुटख्याची पुडी मागण्यावरून दोघांमध्ये शाब्दिक बचावाची झाली होती. त्यानंर बाचाबाचीचे रूपांतर चक्क हाणामारीमध्ये झाले. या हाणामारीत दिलीप हरिभाऊ कोल्हे याच्या छातीत अरविंद लक्ष्मण शेळके यांने चाकू भोसकला. त्यानंतर तो साथीदारांसह फरार झाला आहे. घटनेची माहिती मिळताच घटनास्थळी चंदनझीरा पोलीस ठाण्याचे पोलीस कर्मचाऱ्यांनी धाव घेऊन या मयत तरुणाला जिल्हा सामान्य रुग्णालयात शविछेदन करण्याकरिता दाखल केलं. घटनेतील आरोपींचा शोध घेण्यासाठी चंदनझीरा पोलीस ठाण्याचे दोन पथके तैनात करण्यात आली आहेत.

काही दिवसांपूर्वीच भरदिवसा गोळीबार

काही दिवसांपूर्वीच जालना शहरातील मंठा चौफुली भागात गोळीबार करण्यात आल्याची घटना घडली होती. या गोळीबाराच्या घटनेत एकाचा जागीच मृत्यू झाला होता. गोळीबारात मृत्यू झालेला व्यक्ती अनेक गुन्ह्यात आरोपी असल्याचे देखील माहिती सूत्रांनी दिली आहे. गजानन तौर असे गोळीबारात मृत्यू झालेल्या व्यक्तीचे नाव आहे.

दुचाकीवरून आलेल्या अज्ञात तीन आरोपींकडून गजानन तौर नावाच्या व्यक्तीवर गोळीबार करण्यात आला. या गजानन याचा जागीच मृत्यू झाला. घटनेची माहिती मिळतात पोलीस घटनास्थळी दाखल झाले. तसेच गोळीबार करणाऱ्या आरोपींचा शोध पोलिसांकडून सुरू आहे. या घटनेने मात्र जालना जिल्ह्यात एकच खळबळ उडाली. भर दुपारी घडलेल्या या घटनेमुळे शहरात तणावाची परिस्थिती निर्माण झाली होती.