इच्छाशक्ती व कठोर परिश्रम हे यशाचे गमक : -पद्यश्री डॉ परशुराम खुणे

ब्रह्मपुरी/ता.प्र
 " कुठेही जा पण महाविद्यालय,शिक्षक आणि पालकांना विसरु नका.यश मिळवून मोठे झाले तर सर्वांनाच आनंद होतो पण अपयश आलं तरी खचू नका.पुन्हा नेटाने पुढे रहा, कारण इच्छाशक्ती व कठोर परिश्रम हे यशाचे गमक आहे " असे मार्मिक विचार प्रसिद्ध नाट्यकर्मी व पद्मश्री डॉ परशुराम खुणेंनी मांडले.ते नेवजाबाई हितकारिणी महाविद्यालयात वार्षिकोत्सवात व सत्रभर चाललेल्या स्पर्धांचे पारितोषिक वितरण समारंभांत पारितोषिक वितरक म्हणून बोलत होते.
      विचारपीठावर अध्यक्षस्थानी नेवजाबाई भैया हितकारिणी शिक्षण संस्थेचे उपाध्यक्ष अँड प्रकाशजी भैया होते.प्रमुख अतिथीमध्ये संस्थेचे सदस्य प्रा सुभाष बजाज, प्राचार्य डॉ डी एच गहाणे, उपप्राचार्य डॉ सुभाष शेकोकर, प्राचार्य डॉ माधव वरभे,प्रा विनोद नरड, प्रभारी डॉ तात्याजी गेडाम, डॉ हर्षा कानफाडे, विद्यार्थी संघाचे अध्यक्ष कृणाल नैताम,सुषमा ठुसे, सचिव स्वाती धनविजय,समीक्षा पंडीत उपस्थित होते.
      अध्यक्षीय भाषणात अँड प्रकाशजी भैया म्हणाले की,कोणतीही स्पर्धा ही जिंकण्यासाठी असते पण तुम्ही हरलात तर पुन्हा प्रयत्न करुन यश संपादन करा!असे आव्हान त्यांनी केले.यावेळी सत्रभर चाललेल्या व वार्षिकोत्सवात झालेल्या विद्यार्थ्यांना पुष्पगुच्छ, प्रमाणपत्र व स्मृतिचिन्ह देऊन गौरविण्यात आले.
    या समारंभाचे प्रस्ताविक व पाहुण्यांचा परिचय प्राचार्य डॉ डी एच गहाणेंनी करुन दिला.संचालन डॉ वर्षा चंदनशिवे तर आभार प्रभारी डॉ तात्याजी गेडामांनी केले.
यशस्वीतेसाठी डॉ.राजेंद्र डांगे, डॉ रेखा मेश्राम, अधीक्षक संगीता ठाकरे,डॉ असलम शेख, डॉ धनराज खानोरकर, डॉ रतन मेश्राम, डॉ मोहन कापगते, डॉ किशोर नाकतोडे,डॉ योगेश ठावरी,डॉ भास्कर लेनगुरे,डॉ प्रकाश वट्टी, डॉ पद्माकर वानखडे, डॉ युवराज मेश्राम,डॉ मिलिंद पठाडे,डॉ कुलजित शर्मा,डॉ अरविंद मुंगोले,डॉ अतुल येरपुडे,प्रा.निलिमा रंगारी,प्रा रुपेश वाकोडीकर अशा वेगवेगळ्या समितीच्या अध्यक्षांनी व सदस्यांनी मोलाचे सहकार्य केले.पुढे विद्यार्थ्यांचा आवडीचा ' फॅशन शो ' कार्यक्रम पार पडला.