Zadipatti VC News and Business

25-08-2024

झाडीपट्टी लेखक असोसिएशन वडसा तर्फे लेखकांची कार्यशाळा संपन्न

आज दिनांक 25 ऑगस्ट 2024 ला युनिव्हर्सल कॉन्व्हेंट ब्रह्मपुरी रोड वडसा येथे लेखकांची कार्यशाळेचे आयोजन करण्यात आले होते. या कार्यशाळेमध्ये पद्मश्री डॉक्टर परशुराम खुणे ज्येष्ठ नाट्य कलावंत, प्राध्यापक सदानंद बोरकर, विशाल तराळ, मुकेश गेडाम हे उपस्थित होते. तसेच प्रमुख मार्गदर्शक म्हणून डॉक्टर सतीश पावडे, महेंद्र सुके, प्रेम कुमार खोब्रागडे, किशोर मेश्राम यावेळी उपस्थिती दर्शवली होती.या कार्यक्रमाची सुरुवात दीप प्रज्वलन करून करण्यात आली. त्यानंतर अष्टपैलू कलावंत सुनील अष्टेकर यांना श्रद्धांजली वाहून मोन पाळुन कार्यक्रमाची सुरुवात करण्यात आली. कार्यक्रमाचे निवेदिका म्हणून ममता गोंगले ह्या होत्या तसेच सूत्रसंचालक म्हणून युवराज गोंगले यांनी कार्यभार पाहिला होता. या कार्यशाळेमध्ये संतोष बारसागडे, धनंजय ढवळे, किशोर भाग्यवान, जितू उपाध्याय, सुनील चडगुलवार, दादाजी चुधरी, वसंत चापले, उपेंद्र रोहणकर, प्रकाश लाडे, बाळकृष्ण ठाकूर त्याचबरोबर अनेक लेखकांनी या कार्यशाळेला उपस्थिती दर्शवली होती.

झाडीपट्टी लेखक असोसिएशन तर्फे लेखकांचे उद्बोधन होऊन त्यांच्यातील प्रतिभेला आणि लेखन शैलीला वेगळी एक भरारी मिळावी याकरिता आणि नाट्य लेखन करण्याच्या पद्धती मध्ये सुधारणा व्हावी तसेच ते राज्यस्तरावर घेऊन जाण्यात लेखक वर्गाचा मोलाचा वाटा असतो त्याकरिता लेखकांनी आपल्या पद्धतीने ते करावे असे यावेळी सांगण्यात आले. महाराष्ट्राच्या इतिहासात ही पहिलीच लेखकांची कार्यशाळा आहे. असे पद्मश्री डॉक्टर परशुराम खुणे यावेळी आवर्जून सांगितले. नाट्य लेखन कसे करावे आणि नाट्यसंहिता ही आंतरराष्ट्रीय दर्जाची कशी होईल यावर मार्गदर्शन करण्यात आले.