Today Latest News

29-10-2023

Chandrapur Mul : भगवानपूरचे पुन्हा होणार आदर्श पुनर्वसन

भगवानपूरचे पुन्हा होणार आदर्श पुनर्वसन

चंद्रपूर मूल : तालुक्यातील पुनर्वसित झालेले

भगवानपूर हे गाव अनेक सोयीसुविधांपासून दूर होते. त्यामुळे तेथील नागरिकांना उत्कृष्ट दर्जाच्या सोयीसुविधा मिळाव्यात, यासाठी तेथील गावाचे आदर्श पुनर्वसन करणे अत्यावश्यक आहे, या गावाची प्रत्यक्ष पाहणी करून नियोजन करण्याच्या सूचना ना. सुधीर मुनगंटीवार यांनी जिल्हाधिकाऱ्यांना देल्या होत्या. त्यानुसार जिल्हाधिकारी विनय गौडा यांनी प्रत्यक्ष भगवानपुर गावाला भेट देऊन गावकऱ्यांशी चर्चा केली व समस्या जाणून घेतल्या.

भगवानपूर गावाचे पुनर्वसन होऊन जवळपास १६ वर्ष पूर्ण झाले. मात्र, तिथे शुद्ध पिण्याचे पाणी, गावातील रस्ते, सांडपाण्याच्या व्यवस्थेसाठी नालीची सुविधा नव्हती. तसेच गावातील नागरिकांना रोजगार

नसल्याने रोजगारासाठी बाहेर राज्यात जाव लागत होत. भगवानपुर चे युवा सरपंच सचिन गरमडे यांनी गावातील नागरिकांना आवश्यक असलेल्या सोयीसुविधा, गावातील विकासकामे व्हावीत, यासाठी पालकमंत्री सुधीर मुनगंटीवार यांच्याकडे सातत्याने पाठपुरावा केला.

याची दखल घेत भगवानपूर गावाचे आदर्श पुनर्वसन करण्यासाठी आढावा बैठक घेऊन जिल्हाधिकाऱ्यांसह जिल्ह्यातील अनेक अधिकाऱ्यांना गावात प्रत्यक्ष पाहणी करून आवश्यक असलेल्या सुविधांचा आराखडा तयार करण्याचे निर्देश दिले.