Sujata Awachat

16-11-2024

UP News In Hindi: धक्कादायक बातमी! नर्सने माचीसची काडी पेटवली आणि वॉर्डमध्ये लागली आग, 10 बाळांचा मृत्यू , धक्कादायक माहिती समोर

UP News In Hindi: लखनऊ उत्तर प्रदेशातील झाशी मेडिकल कॉलेजच्या चाइल्ड वॉर्डमध्ये शुक्रवारी रात्री घडलेल्या भीषण आगीच्या घटनेत 10 नवजात बालकांचा दुर्दैवी मृत्यू झाला, तर 16 लहान मुलं गंभीर जखमी झाली आहेत. ही दुर्घटना सुरुवातीला शॉर्ट सर्किटमुळे घडल्याचं सांगितलं जात होतं, पण प्रत्यक्षदर्शीच्या विधानांमुळे धक्कादायक माहिती समोर आली आहे.

झाशीच्या चीफ मेडिकल सुप्रिटेंडंट यांच्या माहितीनुसार, NICU वॉर्डमध्ये 54 मुलं उपचारासाठी दाखल होती. रात्री अचानक ऑक्सिजन कंसंट्रेटरमध्ये आग लागली आणि ऑक्सिजनने भरलेल्या वॉर्डमध्ये आगीने रौद्ररूप धारण केलं. विभागीय डीआयजींनी सांगितलं की, आगीवर नियंत्रण मिळवण्यात आलं असून जखमींना तत्काळ इतर रुग्णालयांमध्ये हलवण्यात आलं आहे. मुख्यमंत्री योगी आदित्यनाथ यांनी घटनेची दखल घेत 12 तासांच्या आत चौकशी अहवाल सादर करण्याचे आदेश दिले आहेत.

भगवान दास, हमीरपूर येथील एक नागरिक, ज्यांचा नातू NICU वॉर्डमध्ये होता, या दुर्घटनेच्या साक्षीदार ठरले. त्यांनी सांगितलं की, एका नर्सने ऑक्सिजन सिलिंडरच्या पाईपला जोडण्यासाठी काडीपेटी वापरली. काडी पेटताच वॉर्डमध्ये आगीचा भडका उडाला. भगवान दास यांच्या शब्दांत, "आग लागताच मी गळ्यातील कापड वापरून 3-4 मुलांना वाचवलं. इतर लोकांनीही मदतीचा हात पुढे केला."

या घटनेत वॉर्डमध्ये सुरक्षिततेच्या उपाययोजनांचा अभाव स्पष्ट दिसून आला. फायर अलार्म वाजला नाही, तसेच फायर एक्सटिंग्विशरची स्थिती अत्यंत खराब होती. घटनास्थळी आढळलेल्या सिलिंडरची एक्सपायरी डेट 2020 होती, म्हणजे चार वर्षांपूर्वीच ते निकामी झाले होते. ही बाब केवळ दाखवण्यासाठी सिलिंडर ठेवण्यात आल्याचा आरोप केला जात आहे.