Aadhar Card Payment: ATM कार्ड नसेल तरी आधार कार्डने ATM मधून काढता येणार पैसे, जाणून घ्या कसे?

Aadhar Card Payment: आजच्या डिजिटल युगात जगभरातील लोक व्यवहार करण्यासाठी ऑनलाइन पद्धतीचा वापर करत आहेत. फोन पे, गुगल पे यासारख्या नेट बँकिंग सुविधांचा वापर करून लोक रोज बिल भरतात, रिचार्ज करतात किंवा पेमेंट्स करतात. मात्र, काहीवेळा अशी ठिकाणे असतात जिथे ऑनलाइन पेमेंटच्या पर्यायांचा उपयोग होत नाही.

हे देखील वाचा: Majhi Ladki Bahin Yojana: लाडक्या बहिणींच्या खात्यात 'या' दिवशी जमा होणार 5500 रूपयांचा दिवाळी बोनस? जाणून घ्या संपूर्ण माहिती

जर तुम्ही अशा परिस्थितीत सापडला आणि तुमच्याकडे कॅश नसेल तर घाबरण्याचे कारण नाही. आधार क्रमांकाच्या मदतीने तुम्ही सहजपणे पैसे काढू शकता, हे आधार सक्षम AePS (Aadhaar Enabled Payment System) द्वारे शक्य आहे.

AEPS म्हणजे काय?

हे देखील वाचा: Mahila Samman Saving Certificate: पोस्टाची 'ही' दमदार स्कीम खास महिलांसाठी, फक्त व्याजानेच कमवाल इतके रूपये, जाणून घ्या संपूर्ण माहिती

AEPS म्हणजे आधार क्रमांकावर आधारित बँकिंग सेवा. यामध्ये तुम्ही आधार कार्डाचा वापर करून पैसे काढू शकता, बॅलन्स तपासू शकता आणि फंड ट्रान्सफर करू शकता. AEPS चा पूर्ण फॉर्म 'आधार इनेबल्ड पेमेंट सिस्टम' आहे. NPCI द्वारे उपलब्ध असलेली ही सुविधा बँकिंग व्यवहार सुलभ बनवते.

असे काढा ATM शिवाय पैसे:

1. AEPS मायक्रो एटीएम: सर्वप्रथम तुमच्या जवळच्या AEPS मायक्रो एटीएमवर जा.
2. आधार क्रमांक प्रविष्ट करा: एटीएम मशीनमध्ये आधार कार्डावरील 12 अंकी क्रमांक टाका.
3. बायोमेट्रिक प्रमाणीकरण: तुमचे बोट ठेवून बायोमेट्रिक प्रोसेस पूर्ण करा.
4. ट्रांझेक्शन प्रकार निवडा: कॅश विड्रॉल (Cash Withdrawal) हा पर्याय निवडा.
5. रक्कम टाका: तुम्हाला हवी असलेली रक्कम टाका आणि पैसे काढून पावती घ्या.

AEPS वापरण्याचे फायदे:

1. ATM कार्डशिवाय पैसे काढा: ATM कार्डशिवाय तुम्ही कुठेही आणि कधीही पैसे काढू शकता.
2. ग्रामीण भागांसाठी उपयुक्त: ज्या ठिकाणी बँकेच्या सुविधा उपलब्ध नाहीत, तिथे हा पर्याय अत्यंत उपयुक्त ठरतो.
3. सोपे आणि सुरक्षित: आधारकार्डाद्वारे पैसे काढण्याची प्रक्रिया अत्यंत सोपी आणि सुरक्षित आहे. कोणत्याही प्रकारच्या तांत्रिक अडचणींचा सामना करावा लागत नाही.

आधार सक्षम पेमेंट सिस्टमचा वापर करून तुम्ही एटीएम कार्ड न वापरता सुरक्षित आणि सोप्या पद्धतीने तुमच्या बँक खात्यातून पैसे काढू शकता, विशेषत: ग्रामीण भागातील लोकांसाठी ही सुविधा खूप उपयुक्त ठरते.