Marathi Language: मराठी भाषेला मिळाला अभिजात भाषेचा दर्जा, जाणून घ्या याचे काय फायदे असतात

Marathi Language: ज्ञानेश्वर माऊली वर्णन केलेल्या मराठी भाषेला जवळपास 2000 वर्षांपूर्वीचा इतिहास आहे. आज केंद्र सरकारने एक मोठा निर्णय घेतला आहे, ज्यामुळे मराठी भाषेला अभिजात भाषेचा दर्जा मिळाला आहे. हा निर्णय महाराष्ट्रासाठी अभिमानाची आणि आनंदाची बाब आहे.

गेल्या अनेक वर्षांपासून मराठी भाषेला अभिजात दर्जा मिळवण्याबाबत मागणी सुरु होती. केंद्र सरकारच्या अख्यत्यारीत या बाबीचा समावेश होता, आणि आता हे स्वप्न सत्यात उतरले आहे. महाराष्ट्रातील अनेक साहित्यिक आणि लेखकांनी याबाबत आनंद व्यक्त केला आहे. भाजप नेत्यांकडूनही यासाठी सतत पाठपुरावा करण्यात आला होता.

हे देखील वाचा: Sarkari Yojana 2024: सावित्रीबाई फुले शिष्यवृत्ती योजने मध्ये सरकार ने केले हे मोठे बदल, जाणून घ्या संपूर्ण माहिती

केंद्रीय सांस्कृतिक मंत्रालयाने हा निर्णय घेतला आहे, आणि आतापर्यंत अनेक भारतीय भाषांना अभिजात भाषेचा दर्जा मिळाला आहे. भारतीय राज्यघटनेच्या आठव्या अनुसूचीमध्ये याबाबतची तरतूद करण्यात आली आहे.

अभिजात भाषेचा दर्जा मिळवण्यासाठी काय निकष असतात?

1. साहित्याचा इतिहास: भाषेचे साहित्य किमान 1500-2000 वर्षे प्राचीन असावे लागते.
2. मौल्यवान साहित्य: भाषेतील प्राचीन साहित्य मौल्यवान असावे लागते.
3. स्वयंभूपण: भाषेला स्वतःचे स्वयंभूपण असावे लागते; म्हणजे ती इतर भाषेतून उसनी घेतलेली नसावी.
4. स्वरुपात वेगळेपण: भाषेचे स्वरूप इतर भाषांपासून वेगळे असावे लागते.

हे देखील वाचा: 7th pay commission: मोठी बातमी! सरकारी कर्मचाऱ्यांचा महागाई भत्ता पुन्हा  इतक्या टक्क्यांनी वाढणार, मंत्रिमंडळात 'या' दिवशी होणार निर्णय

अभिजात भाषेचा दर्जा मिळाल्याने काय फायदा होतो?

1. राष्ट्रीय पुरस्कार: अभिजात भाषेचा दर्जा मिळाल्यास स्कॉलर्ससाठी दरवर्षी दोन राष्ट्रीय पुरस्कार मिळतात.
2. अध्यापन केंद्रे: अभिजात भाषेच्या अध्ययनासाठी सेंटर ऑफ एक्सीलन्स फॉर स्टडिज स्थापन करण्यात येते.
3. अध्यासन केंद्र: अभिजात भाषेला प्रत्येक विद्यापीठात एक अध्यासन केंद्र स्थापन करण्यात येते.

सध्या देशात तामिळ, तेलुगू, संस्कृत, कन्नड, मल्याळम आणि उडिया या सहा भाषांना अभिजात भाषेचा दर्जा मिळाला होता. आता यामध्ये मराठी भाषेचा देखील समावेश करण्यात आला आहे.

हे सर्व फायदे मिळाल्याने मराठी भाषेचा विकास होईल आणि तिच्या अभ्यासात व शिक्षणात महत्त्व वाढेल, यामुळे नव्या पिढीसाठी ती अधिक प्रभावशाली बनेल.

अशीच माहिती जनून घेण्यासाठी आमच्या WhatsApp ग्रुप ला जॉइन करा, WhatsApp ग्रुप जॉइन करण्यासाठी खालील WhatsApp बटन ला क्लिक करा.