Sujata Awachat

09-09-2024

Titwala Rape Case: धक्कादायक घटना ! सासरा आणि दीरानं चिमुकल्या बाळासमोरच विवाहितेच्या अब्रुचे तोडले लचके

Titwala Rape Case: महाराष्ट्रासह संपूर्ण देशभरात गणेशोत्सवाचा उत्सव जल्लोषात साजरा केला जात असताना, ठाणे जिल्ह्यातून एक भयावह आणि धक्कादायक घटना समोर आली आहे. टिटवाळा तालुक्यात 6 सप्टेंबर रोजी एका विवाहित महिलेवर सासरा, दीर आणि एका अल्पवयीन नातेवाईकाने सामूहिक अत्याचार केला. विशेष म्हणजे, ही निर्घृण घटना पीडित महिलेच्या तान्हुल्या बाळासमोरच घडली.

ही घटना घडली तेव्हा पीडित महिलेचा पती कामानिमित्त घराबाहेर गेला होता. या घटनेत पीडिता तिच्या दोन मुलांसह घरात एकटीच होती. याच संधीचा फायदा घेत नराधमांनी तिच्या घरात जबरदस्ती प्रवेश केला आणि तिच्यावर वासनांचा भयानक अत्याचार केला.

हे देखील वाचा: Army MES Recruitment 2024: मिलिट्री इंजीनियरिंग सर्विसेज़ Army MES में निकली 10वीं 12वीं पर 41,822 पदों के लिए भर्ती, यहां करें आवेदन

पोलिसांनी दिलेल्या माहितीनुसार, अत्याचारानंतर नराधमांनी महिलेवर कोयत्याने वार केले. या हल्ल्यात पीडितेचा जबडा तुटला असून, तिचे हात-पायही फ्रॅक्चर झाले आहेत. अत्यंत गंभीर अवस्थेत असलेल्या महिलेवर ठाणे जिल्हा रुग्णालयात उपचार सुरू आहेत. पीडित महिलेच्या जबाबावरून सासरा, दीर आणि एका अल्पवयीन मुलाविरोधात गुन्हा दाखल करण्यात आला आहे. तिन्ही आरोपींना तात्काळ अटक करण्यात आली आहे.

हे देखील वाचा: Gadchiroli News: गडचिरोलीत आर्थिक फसवणुकीची घटना: इसमाचे पैसे डबल करण्याचे आमिष दाखवून लाखो रुपयांची फसवणूक

टिटवाळा जवळील एका गावात वीट भट्टीवर काम करणारे कातकरी दांपत्य आपल्या दोन मुलांसह झोपडीत राहात होते. 6 सप्टेंबरला पीडित महिलेचा पती कामानिमित्त गावाबाहेर गेला होता. या रात्री नराधमांनी घरात घुसून महिलेवर सामूहिक अत्याचार केला. तिच्या आठ वर्षीय मुलाने घाबरून घरातून बाहेर पळ काढला, तर पीडिता तिच्या तान्हुल्या बाळासोबत होती. आरोपींनी या निर्दयी कृत्यानंतर तिला प्राणघातक जखमा केल्या.

सध्या या प्रकरणाचा तपास कल्याण ग्रामीण पोलिस करत आहेत. या घटनेने संपूर्ण परिसरात संतापाची लाट उसळली असून, आरोपींना कठोर शिक्षा देण्याची मागणी नागरिकांकडून होत आहे.