Sajit Tekam

09-08-2024

Chandrapur News : चंद्रपूर जिल्ह्यात या ठिकाणी लवकरचं सुरु होणार हवाई सेवा

Chandrapur News : चंद्रपूर लोकसभा क्षेत्रातील विकासकामांवर विशेष लक्ष दिले जात आहे, आणि यामध्ये नवीन विमानतळाच्या कामाचे महत्त्वाचे अपडेट्स समोर आले आहेत. लोकसभेचे पावसाळी अधिवेशन सुरू असतानाच, खासदार धानोरकर यांनी दिल्ली येथे नागरी विमान वाहतूक मंत्री श्री. किंजरापू राममोहन नायडू यांची भेट घेतली.

हे देखील वाचा : Bihar News: नर्सरीच्या मुलाने तिसरीच्या मुलावर शाळेत झाडली गोळी

विमानतळाच्या कामाची प्रगती

चंद्रपूर जिल्ह्यात लवकरच विमानतळ उभारण्याची मागणी दिवंगत खासदार बाळू धानोरकर यांनी मोदी सरकारच्या काळात केली होती. आता, केंद्र सरकारने यासाठी कार्यवाही सुरू केली आहे. प्रस्तावित विमानतळासाठी लागणाऱ्या 840 एकर जागेपैकी 700 एकर जागेचे भूमी अधिग्रहण पूर्ण झाले आहे. उर्वरित जागेचे भूमी अधिग्रहण तात्काळ पूर्ण करण्याची आवश्यकता आहे, असे खासदार प्रतिभा धानोरकर यांनी मंत्री श्री. राममोहन नायडू यांच्याकडे सांगितले.

हे देखील वाचा : Chandrapur News: धक्कादायक ! घरी जाताना अचानक शेतकऱ्यासमोर आला वाघोबा, मग असं काही घडलं कि ?

मोरवा विमानतळाच्या रनवेची लांबी वाढवण्याची मागणी

तसेच, मोरवा विमानतळाच्या रनवेची लांबी 700 मीटर पर्यंत वाढवून हवाई सेवा सुरू करण्याची मागणी देखील खासदार धानोरकर यांनी केली. चंद्रपूर जिल्हा औद्योगिक दृष्ट्या महत्वाचा असल्याने हवाई मार्ग अधिक कार्यक्षम असावा, अशी अपेक्षा आहे.

मंत्री यांचे आश्वासन

विमान वाहतूक मंत्री श्री. किंजरापू राममोहन नायडू यांनी यासंदर्भात माहिती घेऊन लवकरच निर्णय घेण्याचे आश्वासन दिले आहे. लोकसभेच्या खासदार म्हणून निवडून आल्यानंतर, प्रतिभा धानोरकर यांनी जिल्ह्यातील विविध प्रलंबित प्रश्नांकडे लक्ष देण्यास सुरुवात केली आहे. हवाई सेवेचा प्रश्न सोडविल्यास, चंद्रपूर जिल्ह्यातील नागरिकांना निश्चितच फायदा होईल.

अशीच माहिती जनून घेण्यासाठी आमच्या WhatsApp ग्रुप ला जॉइन करा, WhatsApp ग्रुप जॉइन करण्यासाठी खालील WhatsApp बटन ला क्लिक करा.