Sajit Tekam

11-06-2024

Gadchiroli News: प्रेमप्रकरणातून लग्नासाठी घरजावई बनण्याची अट, तरुणाची आत्महत्या

Gadchiroli News: धानोरा प्रेमप्रकरणातून विवाहाला मुलीच्या कुटुंबाने संमती दिली, पण घरजावई रहावे लागेल, अशी अट ठेवली. त्यामुळे निराश झालेल्या तरुणाने विषारी द्रव प्राशन करुन आत्महत्या केली. ही घटना ९ जूनला धानोरा तालुक्यातील तोयागोंदी गावात घडली.

हे देखील वाचा : Pune News : पति ने निकाला पत्नी का अश्लील वीडियो, और किया ये घिनौना काम

सुधाकर महारू पोटावी (३०, रा. तोयागोंदी) असे मृताचे नाव आहे. तो नागपूरमध्ये एका खासगी कंपनीत काम करायचा. त्याचे दोन वर्षांपासून शिवटोला गावातील एका मुलीशी प्रेमप्रकरण सुरु होते. मात्र, वर्षभरापासून प्रेमात दुरावा निर्माण झाला होता. दरम्यान, मुलीने सुधाकरकडे लग्नाचा हट्ट धरला होता. चार महिन्यांपासून जॉब सोडून गावी आई- वडील, भाऊ व बहिणीसोबत राहणाऱ्या सुधाकरचे प्रेमप्रकरण गावातील पंचांसमोर सुनावणीसाठी गेले.

हे देखील वाचा : Gondwana University Gadchiroli : गोंडवाना विद्यापीठा मध्ये 1.46 कोटींच्या आर्थिक घोटाळ्यात 4 आरोपींना अटक

यावेळी मुलीकडच्या मंडळींनी लग्नाला संमती दिली, पण सुधाकरला शिवटोला येथे आमच्या घरी जावई म्हणून राहावे लागेल, अशी अट घातली. पंचांसमोर सुधाकरने ही अट मान्य केली, पण नंतर तो अस्वस्थ झाला. घरजावई राहायची त्याची इच्छा नव्हती. १० जूनला घरजावई म्हणून शिवटोला येथे मुलीच्या घरी जाण्याचे पंचांसमोर ठरले होते. त्यामुळे सुधाकरने ९ जूनला रात्री शेतात जातो, असे सांगून घर सोडले व विषारी द्रव प्राशन करुन आत्महत्या केली.

अशीच माहिती जनून घेण्यासाठी आमच्या WhatsApp ग्रुप ला जॉइन करा, जॉइन करण्यासाठी खालील WhatsApp बटन ला क्लिक करा.

WhatsApp Group

Join Now