Dipak Indurkar

23-08-2024

Maharashtra Band: 24 ऑगस्ट रोजी महाराष्ट्र राहणार बंद, या सेवा असणार बंद

Maharashtra Band: बदलापूर येथील 4 आणि 6 वर्षांच्या दोन चिमुकल्यांवर शाळेतील सफाई कर्मचाऱ्याने अत्याचार केल्याच्या धक्कादायक घटनेने महाराष्ट्र हादरला आहे. या घटनाविरोधात महाविकास आघाडीने 24 ऑगस्ट रोजी महाराष्ट्र बंदची हाक दिली आहे.

संतप्त नागरिकांकडून आरोपीला फाशीची शिक्षा देण्याची मागणी केली जात आहे. महाविकास आघाडीने राज्यातील सर्व शाळा, कॉलेज, पालक आणि दुकानदारांना या बंदमध्ये सहभागी होण्याचे आवाहन केले आहे. महिलांची सुरक्षितता सुनिश्चित करण्यासाठी हा बंद करण्यात येत आहे.

हे देखील वाचा : Sarkari Yojana 2024: या योजने अंतर्गत लाडक्या बहिणींना मिळणार मोफत गॅस सिलेंडर, जाणून घ्या कधी आणि कसे

उद्धव ठाकरे यांनीही नागरिकांना या बंदमध्ये सहभागी होण्याचे आवाहन केले आहे. बंद दरम्यान, अत्यावश्यक सेवा वगळता सर्व बाजारपेठा बंद राहणार आहेत. दूध, भाजीपाला मार्केट, किराणा दुकाने आणि हॉटेल्स सुद्धा बंद असण्याची शक्यता आहे.

24 ऑगस्ट रोजी दुपारी दोन वाजेपर्यंत बंद पाळण्याचे आवाहन करण्यात आले आहे. महाविकास आघाडीच्या या बंदमध्ये एसटी बस, लोकल आणि इतर सार्वजनिक वाहतूक सेवा ठप्प होण्याची शक्यता आहे. बदलापूर घटनेच्या निषेधार्थ पूर्वीच रेल्वे रोको आंदोलन करण्यात आले होते, ज्यामुळे मुंबई लोकल सेवेवर परिणाम होण्याची भीती आहे.

अशाच माहिती जनून घेण्यासाठी आमच्या WhatsApp ग्रुप ला जॉइन करा, ग्रुप जॉइन करण्यासाठी खालील बटन ला क्लिक करा.