Bahujnancha Buland Aawaj

04-06-2024

अटीतटीच्या लढतीत देशात तिसऱ्यांदा फुलला कमळ

अवघ्या देशाला लोकसभा निवडणूक निकालाची उत्सुकता लाभली होती आणि आज उत्सुकता पूर्णत्वास आली. अबकी बार 400 पारचा नारा देत पंतप्रधानांनी संपूर्ण देश पिंजून काढला.विरोधकांना चारी मुंड्या चीत करीत निर्विवाद बहुमताचा आकडा गाठून सरकार स्थापनेच्या दिशेने वाटचाल करतो आहे.

देशातील विरोधी पक्ष इंडिया आघाडीने मोदीच्या NDA ला जादुई आकडा ओलांडू द्यायचाच नाही,असं चंग बांधला होता.मोदी विरोधी पक्षांना एक छत्र छायी खाली येऊन मोदीचा विजय रथ रोखण्याचा जोरदार प्रयत्न केला गेला परंतु विरोधी पक्षाचे मनसुबे उधळत लावून मोदी ने आपले वर्चस्व कायम राखण्यात यश मिळविले.

महत्त्वाचे राज्य मोदीच्या हातातून हिसकविण्याचा प्रयत्न केल्या गेला हे सत्य नाकारू शकत नाही परंतु मोदीने निर्विवाद वर्चस्व शाबूत राखले,हे तितकंच महत्त्वाचे आहे.म्हणजे देशात पुन्हा एकदा मोदी नंबर वन आहे,असं म्हणायला काहीही हरकत नाही.

निवडणुका म्हटल्यावर एकमेकांवर आरोप प्रत्यारोप करणं हे काही नवीन नाही परंतु विकासाच्या मुद्द्यांपासून तर थेट जाती धर्मा पर्यंत पोहोचलेली लोकसभा निवडणूक कोण जिंकली याची खात्री नसताना देखील बहुमताचा आकडा पार करीत मोदीने अटीतटीच्या लढतीत देशात तिसऱ्यांदा कमळ फुलवून विरोधकांना आश्चर्याचा सुखद धक्का देत तिसऱ्यांदा सत्तेची चाबी मिळवण्यात यश संपादन केले.

नरेंद्र मोदीच्या भाजपाला स्वबळावर पूर्ण बहुमताच्या आकड्यापर्यंत पोहोचता नाही आलं तरी परंतु मित्र पक्षांच्या मदतीने जादुई आकडा पार करीत निर्विवाद यश संपादन केले हे सुद्धा तितकच महत्त्वाचा आहे.पंतप्रधान नरेंद्र मोदीची हवा संपुष्टात येईल की काय ? याची भीती मोदीच्या कार्यकर्त्यांना देखील होती परंतु निर्विवाद यश संपादन केल्यामुळे ती भीती आता दुरापस्थ झाली असं म्हणायला काहीही हरकत नाही.

तिसरी बार मोदी सरकार