देशातील विरोधी पक्ष कमकुवत !

देशात लोकसभा निवडणुकीच्या तारखा जाहीर झाल्या,मतदानाची वेळ काही दिवसांवर येऊन ठेपले तरी पण विरोधी पक्षांच्या जागा वाटपाच्या तिढा अजून सुटताना दिसत नाही,वेळ फार कमी आहे अशा परिस्थितीत जागावाटप करून वेगाने प्रचाराच्या कामाला लागायला पाहिजे होते परंतु तसं होताना दिसत नाही.पाणी कुठं मुरतंय,हेच कळला मार्ग नाही.

विरोधी पक्ष कमकुवत होत तर नाही ना ? अशी शंकेची पाल मनात चुकचुकते आणि आजच्या वातावरणावरून तसंच होताना दिसतो आहे.कारण जागा वाटपात विरोधी पक्ष सत्ताधाऱ्यांवर आरोप करण्यापेक्षा,आपापसात आरोप करताना दिसतो आहे.वंचित पक्षाचे मा.प्रकाश आंबेडकरांनी आमच्या पाठीत खंजीर खुपसल्याचे आरोप शिवसेना नेते संजय राऊत यांवर करीत आहे.आधीच वाचाळ बोलण्यात मातब्बर असणारे राऊत यांच्यावर आंबेडकर प्रत्यारोप करताना दिसून येत आहे.

 वास्तविक ही वेळ एकमेकांवर आरोप प्रत्यारोप करण्याची वेळ नसून एकमेकांना समजून घेण्याची वेळ आहे.एकाथी जागेचा तिढा सुटत नसेल तर जिद्दू करण्यापेक्षा सोडून देऊन मोकळे व्हायला पाहिजे,परंतु तसं न करता हे महाशय एकमेकांवर आरोप प्रत्यारोप करण्यात रममान होताना दिसतो आहेत.

खरं सांगायचं झालं तर विरोधी पक्ष मोदीच्या झंजाविताला घाबरला आहे की काय ? असा प्रश्न उपस्थित होतो. मोदी पुढे आपण टिकू शकणार नाही कदाचित अशी भीती सुद्धा विरोधकांना सतावत असेल,असं म्हणायला काहीही हरकत नाही.

 देशातील आजचा वातावरण पाहता विरोधकांच्या हाती भरपूर मुद्दे आहेत. ही वेळ सत्ताधाऱ्यांवर तुटून पडण्याची वेळ आहे आणि आजचा मतदार जागृत असल्यामुळे विरोधकांना जास्त समजावून सांगण्याची गरज नव्हते,परंतु आजच्या घडीला विरोधकांचेच लक्षण ठीक वाटत नाही, हे यावरून स्पष्ट होताना दिसतो आहे.

देशातील सत्ताधारी पक्ष काय करतात हे म्हणण्यापेक्षा,देशातील विरोधी पक्ष काय करतात हे समजून घेणं महत्त्वाचे आहे परंतु तसं होताना दिसत नाही.कदाचित विरोधी पक्ष सत्ताधाऱ्यांच्या दावणीला बांधल्या गेले असतील किंवा मोदीच्या झंजावातीला घाबरले असतील,असं म्हणायला हरकत नाही.

|| केल्याने होत आहे रे,पण अधिक केलीच पाहिजे ||