F Assault on a mentally ill woman - अत्याचार करणाऱ्या त्या आरोपींना कठोर शिक्षा द्या - शिवाणी वडेट्टीवार | My Khabar24

Chunnilal kudwe

24-08-2024

Assault on a mentally ill woman - अत्याचार करणाऱ्या त्या आरोपींना कठोर शिक्षा द्या - शिवाणी वडेट्टीवार

नागभिड येथील मनोरुग्ण महिलेवरील लैंगीक अत्याचार प्रकरण

चिमूर, नागभिड, सिंदेवाही काँग्रेस शिष्टमंडळाची अतिरिक्त पोलीस अधीक्षकांसोबत चर्चा

चिमूर -
जिल्ह्यातील नागभीड येथे १२ दिवसांपूर्वी एका मनोरुग्ण महिलेवर लैंगिक अत्याचार करून व्हिडिओ सोशल मीडियावर वायरल करण्यात आला. या प्रकरणातील एक अल्पवयस्कसह सहा आरोपींना नागभिड पोलीसांनी दिनांक 22 ऑगस्ट शुक्रवार ला अटक केली. या घटनेची माहिती मिळताच प्रदेश युवक काँग्रेस सरचिटणीस शिवानी वडेट्टीवार व चिमूर नागभिड सिंदेवाही काँग्रेस शिष्टमंडळाने नागभिड पोलीस स्टेशनला शनिवारला भेट देत उपस्थित पोलीस अधिकाऱ्यांना अत्याचार प्रकरणातील त्या आरोपींना कठोर शिक्षा द्यावी अशी मागणी केली.

१२ ऑगस्ट ला नागभीड शहरात एक मनोरुग्ण महिला एकटी फिरत असल्याचे पाहून काही इसमांनी त्या महिलेला सुनसान व अंधाराचा फायदा घेत नागभिड एसटी बसस्थानक येथील प्रसाधनगृहातील निर्जन स्थळी अत्याचार केला. एवढेच नाही तर अत्याचार करतानाचा व्हिडिओ आरोपींपैकी एकाने मोबाईल द्वारे शूट करून जतन केला. काही दिवसानंतर हाच व्हिडिओ आपल्या मित्राला पाठविला असता संबंधित मित्राने सोशल मीडिया ग्रुप वर तो विडीओ वायरल केल्याने घटनेतील नराधमांचा हा अमाननीय प्रकार चव्हाट्यावर आला.
सदर घटनेची माहिती मिळताच प्रदेश युवक काँग्रेस सरचिटणीस शिवानी वडेट्टीवार आपला सिंदेवाही तालुका जनसंपर्क दौरा आटपून त्वरित आपल्या कार्यकर्त्यांसह नागभीड येथील पोलीस स्टेशन गाठले. पोलीस स्टेशनला उपस्थित अतिरिक्त पोलीस अधीक्षक रीना जनबंधू व इतर पोलीस अधिकाऱ्यांची भेट घेऊन राज्यात नुकत्याच घडलेल्या बदलापूर, अकोला जिल्ह्यातील घडलेल्या अमानुष घटनांच्या तसेच नागभीड येथे घडलेल्या अतिशय निंदनीय प्रकाराच्या पार्श्वभूमीवर विस्तृत चर्चा करून नागभीड येथील घटनेतील आरोपींना फाशीची शिक्षा व्हावी याकरिता पोलीस विभागाने सहकार्य करत सदर प्रकरण फास्टट्रॅक कोर्टात चालविण्यात यावे अशी मागणी केली.
यावेळी काँग्रेसचे चिमूर विधानसभा समन्वयक डॉ. सतीश वारजुरकर, ओबीसी संघटक धनराज मुंगले, नागभीड तालुका अध्यक्ष प्रमोद चौधरी, महिला तालुका अध्यक्ष प्रणया गड्डमवार, सिंदेवाही तालुका अध्यक्ष सीमा सहारे, सिंदेवाही नगराध्यक्ष स्वप्निल कावळे, उपनगराध्यक्ष मयूर सुचक, महिला शहराध्यक्ष प्रीती सागरे, कृषी उत्पन्न बाजार समिती संचालक जयश्री कावळे, माजी नगरसेवक प्रतिक भसीन, युवक काँग्रेस शहर अध्यक्ष महेश कुर्जेकर, युवक कांग्रेस महासचिव अमोल वानखेडे, युवक काँग्रेस अध्यक्ष सौरभ मुळे, सिंदेवाही अध्यक्ष अभिजीत मुपीडवार, गजानन उरकुडे, प्रशांत गेडाम, संकेत वारजुकर, संदीप सातव, भूपेश कोरे, पारस नांगरे, रूपाली रत्नावार, निमंत्रिका कोकोडे, प्रीती गुरणुले, रजनी काऊलकर, महेश मंडलवार, निकु भैसारे, रोशन वारजूरकर, अंकुश सिडाम आदी काँग्रेसचे बहुसंख्य कार्यकर्ते उपस्थित होते.