F प्रा. चरडे यांची गोंडवाना विद्यापीठाच्या ग्रामगीता अध्यासन केंद्र सल्लागार समितीवर नियुक्ती | My Khabar24

Chunnilal kudwe

28-08-2023

प्रा. चरडे यांची गोंडवाना विद्यापीठाच्या ग्रामगीता अध्यासन केंद्र सल्लागार समितीवर नियुक्ती

गोंडवाना विद्यापीठ गडचिरोलीचे कुलसचिव यांनी वंदनीय राष्ट्रसंत तुकडोजी महाराज ग्रामगीता अध्यासन केंद्राच्या सल्लागार समितीवर चिमुर येथील प्रा. अशोक चरडे यांची नियुक्ती केली.

प्रा. अशोक चरडे यांनी नेहरू विद्यालय तथा कनिष्ठ महाविद्यालय चिमुर येथे प्रदिर्घ व्याख्याता म्हणुन सेवा केली आहे. ते श्री गुरुदेव सेवा मंडळ चिमुरचे बरेच वर्षे ग्रामसेवाधिकारी होते. गुरुकुंज आश्रम मोझरीच्या कार्यकारणीत त्यांना घेण्यात आले होते. ते गुरुकुंज आश्रमचे आजीवन प्रचारक आहेत. संपुर्ण विदर्भात अनेक खेडे व शहरी भागात राष्ट्रसंताच्या ग्रामगीतेवर आधारीत समाजप्रबोधन, राष्ट्रीय एकात्मता, आदर्श गाव, सर्वधर्म समभाव, महिलोन्नती, व्यसनमुक्ती आदी विषयावर त्यांनी किर्तन व प्रवचनाचे कार्यक्रम केले व राष्ट्रसंताच्या साहित्याचा ते आजही प्रचार करीत आहे.

प्रा. अशोक चरडे यांच्या नियुक्तीबद्दल अखिल भारतीय श्री गुरुदेव सेवा मंडळाचे सर्वाधिकारी लक्ष्मणराव गमे, प्रचारसेवाधिकारी प्रकाशराव वाघ महाराज, उपसेवाधिकारी दामोधर (पाटील, प्रचार सचिव सुशील बनवे, ग्रामगीता परिक्षा प्रमुख गुलाबराव खवसे, गुरुदेव मासिकांचे प्रकाशक गोपाळराव कडु, सरचिटणीस जनार्धन बोथे, चिमुर गुरुदेव सेवा मंडळाचे ग्रामसेवाधिकारी वसंतराव कडु, सचिव परमानंद बोरकर, उपग्रामसेवाधिकारी बाबाराव दोहतरे, विठ्ठलराव सावरकर, नथ्थुजी भोयर, तालुका सेवाधिकारी अतकरे आदीने अभिनंदन केले आहे.