MH 33 NEWS

03-10-2024

स्व. सुनील कोवे यांना झाडीबोली शब्दसाधक पुरस्काराने सन्मानित

बल्लारपूर :-झाडीपट्टीतील साहित्यिकांना प्रेरणा मिळावी. बोली भाषेवर उत्तम लेखन व्हावे. बोलीच्या वैशिष्ट्याचे जतन व संवर्धन व्हावे. लिहित्या हातांना बळ मिळावे .या उदात्त हेतूने दरवर्षी झाडीबोली साहित्य मंडळ चंद्रपूर जिल्हा शाखेतर्फे झाडीबोली शब्दसाधक पुरस्कार दिला जातो .यावर्षी जिल्ह्यातील प्रतिभावंत बोली साहित्यिकांची निवड करण्यात आली. त्यामध्ये बल्लारपूर तालुक्यातील स्वर्गीय सुनील कोवे यांना शब्दसाधक पुरस्काराने सन्मानित करण्यात आले.

स्व. सुनील कोवे यांनी शिक्षण क्षेत्रात शिक्षक म्हणून कार्यरत राहून अनेक विषयावर काव्यरचना केलेल्या आहेत.

त्यांचा काव्यसंग्रह उरलो जरासा मी त्यांच्या पश्चात त्यांच्या पत्नी श्रीमती शालिनी कोवे यांनी प्रकाशित करून समाजासमोर आणला आहे. तसेच अनेक सामाजिक कार्यात सहभागी होऊन समाज जागृती देखील केलेली आहे. पुरस्कार वितरण सोहळा ब्रह्मपुरी येथील डॉ. बाबासाहेब आंबेडकर महाविद्यालय हॉलमध्ये संपन्न झाला.

या सोहळ्यात रीताताई उराडे माजी नगराध्यक्ष ब्रह्मपुरी, डॉ. धनराज खानोरकर, ग्रामगीताचार्य बंडोपंत बोढेकर, जिल्हाध्यक्ष अरुण झगडकर जिल्हाध्यक्ष चंद्रपूर, प्राचार्य देवेंद्र कांबळे ,कुंजीराम गोंधळे जिल्हाध्यक्ष भंडारा, पवन पाथोडे जिल्हाध्यक्ष गोंदिया, प्रा. विनायक धानोरकर जिल्हाध्यक्ष गडचिरोली प्राचार्य रत्नमाला भोयर आणि इतर मान्यवर यांच्या हस्ते हा पुरस्कार त्यांच्या पत्नी शालिनी कोवे यांना प्रदान करण्यात आलेला आहे. शालिनी कोवे यांनी झाडीबोली मंडळाचे खूप खूप आभार मानले आहे.