एटापल्ली : झोपेची डुलकी आल्याने भरधाव चारचाकी वाहनावरील चालकाचे नियंत्रण सुटले व वाहन थेट रस्त्यालगतच्या झाडावर आदळले. यात गंभीर जखमी झालेल्या वाहन मालकाचा मृत्यू उपचारादरम्यान झाला. हा उपघात गुरुवारी मध्यरात्री १:३० वाजेच्या सुमारास गट्टा मार्गावर तुमरगुंडा आलदंडी गावादरम्यान झाला.

रंजीत बर्वा (३५, रा. गोडेली, ता. एटापल्ली) असे अपघातात ठार झालेल्या वाहनमालकाचे नाव आहे. रंजीत बर्वा हे आपल्या चारचाकी वाहनाने चालकासोबत एटापल्लीवरून गोडेली गावी जात होते. गुरुवारी रात्री १:३० वाजता 

वाहन चालकास झोपेची डुलकी आल्याने वाहनावरील त्यांचे नियंत्रण सुटले व वाहन रस्त्यालगतच्या एका झाडावर आदळले. या अपघातात गाडी मालक रंजीत बर्वा हे गंभीर जखमी झाले. त्यांच्यावर नागपूर येथे उपचार सुरू होते. मात्र, शनिवारी दुपारी रंजीत बर्वा यांचा मृत्यू झाला. सुदैवाने वाहन चालकास कुठलीही इजा झाली नाही.