Chimur bhisi news चिमूर:  भिसी येथील वसंता विजय लोहकरे ( ३५) या शेतकऱ्यांने खाजगी बँक वा सावकारांकडून शेती च्या खर्चाकरिता लाखो रूपयाचे कर्ज घेतले होते. मात्र यावर्षी अतीवृष्टी व पिकांवर आलेल्या विविध रोगांमुळे उत्पन्न कमी व खर्च मोठ्या प्रमाणात झाल्याने मृतक शेतकरी चिंतेत होता. यामुळे वसंता विजय लोहकरे याने मागील आठवड्यात बुधवार ला सायंकाळी ५ वाजताचे सुमारास भिसी शहरालगत असलेल्या जनावरांच्या गोठ्यातविषारी औषध प्राशन केले होते. 

त्याची प्रकृती गंभीर असल्याने त्याचेवर पहिल्यांदा भिसी, उमरेड व नंतर नागपुर येथे वैद्यकीय रुग्णालयात उपचार सुरू होते.मात्र सोमवार च्या पहाटे वसंता लोहकरे विजय याची उपचारादरम्यान पाण ज्योत मालविली. मृतकाचे पश्चात आई- वडिल, पत्नी, मुलगा, मुलगी व बराच मोठा आप्त परिवार आहे. पुढील तपास भिसी चे ठाणेदार पकाश राऊत यांचे मार्गदर्शनात सुरू आहे.