भिवकुंड येथील घटना

चिमूर प्रतिनिधी :-

       तालुक्यातील भिवकुंड येथे घरात घुसून बिबट्याने बकरीची शिकार केली असल्याची घटना सकाळी उघडकीस आली.

      तालुक्यातील शेवटच्या टोकावर असलेल्या भिवकुंड येथील शेतकरी रवींद्र यादव रंदई राहणार भिवकुंड हॆ शेतातील दिवसभर काम करून सायंकाळी येऊन घरी असलेल्या बकऱ्या दुसऱ्या एका खोलीत बांधून मग जेवण करून रात्री झोपी गेले होते. मात्र रात्रौला बिबट वन्यप्राण्याने गावात प्रवेश केला व रवींद्र यादव रंदई यांच्या घरी येऊन बांधून असलेल्या बकऱ्याच्या खोलीत जाऊन बकरी ची शिकार केली.

    यावेळी सकाळी रवींद्र यादव रंदई हॆ नेहमी प्रमाणेच घरातून बकऱ्या बाहेर काढायला गेले तेव्हा बकरीवर बिबट्याने हल्ला केल्याचे लक्षात आले. याबाबत वनविभागाला माहिती दिली असता. घटनेचा पंचनामा करण्यात आला. यावेळी या शेतकऱ्यांचे नुकसान झाले ते लवकरात लवकर नुकसान भरपाई देण्यात यावी अशी मागणी केली जात आहे.